அவள்: ஹாலிவுட் படங்களுக்கு இணையாக உறைய வைக்கும் திகில் படம்
- IndiaGlitz, [Monday,October 23 2017]
பேய்ப்படம் என்றால் பயத்தால் உறைய வைக்கும் காட்சிகள் இருக்கும் என்ற நிலை கடந்த சில வருடங்களாக மாறி பேய்ப்படம் என்றாலே காமெடி படம் என்ற நிலை கோலிவுட் திரையுலகில் ஏற்பட்டுவிட்டது.
இந்த நிலையில் உண்மையிலேயே உறைய வைக்கும் திகில் படம் ஒன்று தற்போது உருவாகியுள்ளது. அதுதான் சித்தார்த், ஆண்ட்ரியா நடிப்பில் மிலிண்ட் ராவ் இயக்கியுள்ள 'அவள்'
இந்த படத்தின் டிரைலர் சமீபத்தில் வெளியாகி அனைவரையும் அச்சுறுத்திய நிலையில் இந்த படம் திரையரங்கில் அச்சுறுத்த வரும் நவம்பர் 3ஆம் தேதி வெளியாகவுள்ளது. விக்ரம்வேதா உள்பட பல வெற்றிப்படங்களை ரிலீஸ் எய்த டிரடெண்ட் ஆர்ட்ஸ் நிறுவனம் இந்த படத்தை ரிலீஸ் செய்கிறது. இதுகுறித்து டிரடெண்ட் ஆர்ட்ஸ் ரவீந்திரன் அவர்கள் கூறியபோது, 'உண்மையாகவே பயமுறுத்தி நடுங்கவைக்கும் படம் தான் 'அவள்'. ஹாலிவுட் ஹாரர் படங்களுக்கு இணையாக 'அவள்' உள்ளது என கூறியுள்ளார். இந்த படம் எந்த அளவுக்கு ரசிகர்களை பயமுறுத்தும் என்பதை நவம்பர் 3ஆம் தேதி வரை பொறுத்திருந்து பார்ப்போம்