தெலுங்கு சூப்பர் ஸ்டார் மகேஷ்பாபு நடிப்பில் இயக்குனர் ஏ.ஆர்.முருகதாஸ் இயக்கத்தில் உருவாகியுள்ள 'ஸ்பைடர்' திரைப்படம் வரும் வெள்ளியன்று உலகம் முழுவதும் பிரமாண்டமாக வெளிவரவுள்ளது. தமிழ், தெலுங்கு என இருமொழிகளிலும் வெளியாகவுள்ள இந்த படம் இரண்டு மொழிகளிலும் 'யூஏ' சான்றிதழ் பெற்றுள்ளது.

இந்த நிலையில் இந்த படத்தின் தமிழ் பதிப்பின் ரன்னிங் டைம் 146 நிமிடங்கள் என்றும், தெலுங்கு படத்தின் ரன்னிங் டைம் 145 நிமிடங்கள் என்றும் தெரிய வந்துள்ளது. இரண்டு மொழிகளில் எதனால் இந்த ஒரு நிமிட வித்தியாசம் என்று விசாரித்தபோது, இந்த படத்தின் தமிழ் பதிப்பை லைகா நிறுவனம் வெளியிடுவதால் அதன் லோகோ ஒரு நிமிடம் ஓடுவதாகவும் மற்றபடி படத்தில் எந்தவித வித்தியாசமும் இல்லை என்றும் தெரியவந்துள்ளது.

மகேஷ்பாபு, ராகுல் ப்ரித்திசிங், எஸ்.ஜே.சூர்யா, பரத், ஆர்ஜே பாலாஜி உள்பட பலர் நடித்துள்ள இந்த படத்திற்கு  ஹாரீஸ் ஜெயராஜ் இசையமைத்துள்ள இந்த படத்திற்கு சந்தோஷ் சிவன் ஒளிப்பதிவும், ஸ்ரீகர் பிரசாத் படத்தொகுப்பும் செய்துள்ளனர்.