அன்னை இல்லத்தில் இணைந்த அஜித்-விஜய் ரசிகர்கள்
- IndiaGlitz, [Wednesday,May 02 2018]
சமூக வலைத்தளங்களில் அஜித்-விஜய் ரசிகர்கள் மோதிக்கொள்வது மட்டும்தான் பலருக்கு தெரியும். ஆனால் அஜித் பிறந்தநாளை விஜய் ரசிகர்களும் கொண்டாடுவது, அதேபோல் விஜய் பிறந்தநாளை அஜித் ரசிகர்களும் கொண்டாடுவது போன்ற ஒருசில இடங்களில் நடந்து வருகின்றது.
இந்த நிலையில் நேற்றைய அஜித் பிறந்த நாளின்போது தளபதி விஜய்யின் ரசிகர்கள், அஜித் ரசிகர்களுடன் இணைந்து சென்னை மயிலாப்பூரில் உள்ள முதியவர்கள் காப்பகமான அன்னை இல்லம் சென்று அங்குள்ள முதியவர்களுக்கு அன்னதானம் வழங்கும் நிகழ்ச்சி நடைபெற்றுள்ளது. நடிகர் விஜய் ஆன்லைன் வெல்ஃபேர் கிளப், அஜித் ரசிகர்களுடன் இணைந்து நடத்திய இந்த நிகழ்ச்சிக்கு பாராட்டுக்கள் குவிந்து வருகிறது.
அஜித், விஜய் இருவரும் சிறந்த நண்பர்களாக இருந்து வருவது போன்று அவர்களுடைய ரசிகர்களும் அதேபோல் ஒற்றுமையாக இருந்து
இதுபோன்ற இன்னும் பல நிகழ்ச்சிகளை நடத்த வேண்டும் என்பதே அனைவரின் விருப்பமாக உள்ளது.