ఎన్టీఆర్, త్రివిక్రమ్ చిత్రం కోసం స్పెష‌ల్ విలేజ్ సెట్‌
- IndiaGlitz, [Tuesday,April 17 2018]
యంగ్ టైగర్ ఎన్టీఆర్, బాలీవుడ్ బ్యూటీ పూజా హెగ్డే జంటగా ఏస్ డైరెక్టర్ త్రివిక్రమ్ దర్శకత్వంలో ఓ సినిమా తెరకెక్కుతున్న సంగ‌తి తెలిసిందే. హారికా అండ్ హాసినీ క్రియేషన్స్ పతాకంపై ఎస్.రాధాకృష్ణ ఈ చిత్రాన్ని నిర్మిస్తున్నారు. కుటుంబ కథా చిత్రంగా రూపుదిద్దుకుంటున్న ఈ సినిమాకి తమన్ స్వరాలు సమకూరుస్తున్నారు. ఎన్టీఆర్ డిఫరెంట్ లుక్‌లో కనిపించనున్న ఈ సినిమాలో.. సీనియర్ నటుడు జగపతి బాబు ప్రతినాయక పాత్రలో నటించనున్నారు.
గత శుక్రవారం (ఏప్రిల్ 13) హైదరాబాద్‌లోని రామోజీ ఫిల్మ్ సిటీలో యాక్షన్ సన్నివేశంతో రెగ్యుల‌ర్ షూటింగ్‌ను ప్రారంభించారు. ఇదిలా ఉంటే.. ఈ సినిమా కోసం రామోజీ ఫిలింసిటీలోని రెండెకరాల స్థలంలో రాయలసీమ ప్రాంతానికి సంబంధించిన ఓ గ్రామాన్ని సెట్‌గా నిర్మించనున్నార‌ని తెలిసింది.
ఈ సెట్‌లో కొన్ని కీలక సన్నివేశాలతో పాటు.. కొన్ని యాక్షన్ సీన్స్‌ను కూడా చిత్రీకరించనున్నారు. సాధ్యమైనంత త్వరగా చిత్రీకరణను పూర్తి చేసి.. ఈ ఏడాది అక్టోబర్ 12న దసరా సందర్భంగా చిత్రాన్ని విడుదల చేయడానికి దర్శకనిర్మాతలు ప్లాన్ చేస్తున్నారు. ‘ఊపిరి’, ‘ధృవ’, ‘హలో’ లాంటి విజయవంతమైన చిత్రాలకు పనిచేసిన సినిమాటోగ్రాఫర్ పి.ఎస్. వినోద్ ఈ సినిమాకి ఛాయాగ్రాహ‌కుడిగా పనిచేస్తున్నారు.