నేచురల్ స్టార్ నాని ప్ర‌స్తుతం వ‌రుస సినిమాల‌కు ఓకే చెబుతున్నారు. ఇప్ప‌టికే శివ నిర్వాణ ద‌ర్శ‌క‌త్వంలో ‘ట‌క్ జ‌గ‌దీష్’ సినిమాలో న‌టిస్తోన్న సంగ‌తి తెలిసిందే. క‌రోనా ప్ర‌భావం లేకుండా ఉండుంటే ఈ పాటికి ‘ట‌క్ జ‌గ‌దీష్’ మూవీ పూర్తై ఉండేది. దీని త‌ర్వాత ‘శ్యామ్ సింగ‌రాయ్’ చిత్రం లైన్‌లో ఉంది. ఈ సినిమాలో నానిలో మూడు షేడ్స్‌లో క‌న‌ప‌డ‌బోతున్నాడని టాక్ వినిపిస్తోంది. సినిమాలో రెండు ప్రేమ‌క‌థ‌లుంటాయి. అందులో ఓ ప్రేమ‌క‌థ హైద‌రాబాద్‌లో మ‌రో ప్రేమ‌క‌థ కోల్‌క‌తా బ్యాక్‌డ్రాప్‌లో ర‌న్ అవుతుంది. కోల్‌క‌తా స‌న్నివేశాల‌ను అక్క‌డే చిత్రీక‌రించాల‌ని క‌రోనా వైర‌స్ ప్ర‌భావానికి ముందు అనుకున్నారు. కానీ క‌రోనా రావ‌డం.. ఇంకా ఆ ఎఫెక్ట్ త‌గ్గ‌క‌పోవ‌డంతో ఇప్పుడు కోల్‌క‌తాలో స‌న్నివేశాల‌ను చిత్రీక‌రించ‌డం కంటే.. హైద‌రాబాద్‌లో సెట్ వేసి చేయాల‌నుకుంటున్నార‌ట‌. ఇప్ప‌టికే సెట్ వ‌ర్క్ కూడా ప్రారంభ‌మైందని స‌మాచారం.

ఈ సినిమాలో నాని స‌ర‌స‌న ముగ్గురు హీరోయిన్స్ న‌టించ‌బోతున్నారు. ఎవ‌రిని నాని ప‌క్క‌న న‌టింప చేయాలా చేయాలా అని యూనిట్ హీరోయిన్స్ అన్వేష‌ణ‌లో ఉంద‌ట‌. ఇప్ప‌టి వ‌ర‌కు ఆరుగురు హీరోయిన్స్‌తో యూనిట్ స‌భ్యులు సంప్ర‌దింపులు జ‌రిపార‌ట‌. ష్మిక మందన్నా, రాశీ ఖన్నా, సాయిపల్లవి, నివేథా ధామస్, నిధి అగర్వాల్, రీతూ వర్మలు ఈ లిస్టులో ఉన్నార‌ట‌.