கொரோனா வைரஸால் பாதிக்கப்பட்டு சென்னையில் உள்ள தனியார் மருத்துவமனையில் சிகிச்சை பெற்று வரும் பிரபல பின்னணி பாடகர் எஸ்பி பாலசுப்ரமணியம் அவர்களின் உடல்நிலை கடந்த 3 நாட்களாக சீராக இருப்பதாக மருத்துவமனை நிர்வாகம் தெரிவித்துள்ளது.

நேற்று அவரது உடல் சீராக இருப்பதாகவும் அவர் தொடர்ந்து எக்மோ மற்றும் வென்டிலேட்டர் கருவிகளின் உதவியால் சிகிச்சை பெற்று வருவதாகவும் மருத்துவமனை தெரிவித்திருந்தது. இந்த நிலையில் எஸ்பிபி சரண் அவர்கள் நேற்று வெளியிட்ட வீடியோவில் தனது தந்தையின் உடல் நிலை சீராக இருப்பதாகவும் அவர் கண்விழித்து பார்த்து தன்னை அடையாளம் கண்டு கொண்டதாகவும் தெரிவித்துள்ளார்.

நீங்கள் குணமடைய ரசிகர்கள் கோடிக்கணக்கானோர் பிரார்த்தனை செய்து வருவதாக அவரிடம் தான் கூறியதும் அவர் மிகுந்த மகிழ்ச்சி அடைந்ததாகவும், என்னையும் என் தாயின் உடல் நலத்தையும் சைகை மூலம் அவர் கேட்டார் என்றும் நெகழ்ச்சியுடன் எஸ்பிபி சரண் தெரிவித்துள்ளார்.

ரசிகர்களின் பிரார்த்தனையால் விரைவில் எனது தந்தை குணமடைந்து அனைவரையும் சந்திப்பார் என்றும் மருத்துவ குழுவினர் அவருக்கு தேவையான தகுந்த சிகிச்சைகளை செய்து வருவதற்கு தனது நன்றியை தெரிவித்துக் கொள்வதாகவும் அவர் கூறியுள்ளார்.

எஸ்பிபி உடல்நிலை சீராக இருப்பதாக வந்த தகவலை அடுத்து தற்போது அவர் கண்விழித்து சைகை மூலம் தனது மகனிடம் நலம் விசாரித்த தகவல் ரசிகர்கள் மத்தியில் மகிழ்ச்சியை உண்டாக்கி உள்ளது.

View this post on Instagram

#SPB health update. I met dad.

A post shared by S. P. Charan/Producer/Director (@spbcharan) on Aug 24, 2020 at 7:16am PDT