பிரபல நடிகைக்கு தென்னிந்திய திரையுலகமே சேர்ந்து நடத்தும் பாராட்டு விழா!
- IndiaGlitz, [Friday,April 29 2022]
தமிழ் திரை உலகின் பிரபல நடிகையாக இருந்த ரோஜா சமீபத்தில் அமைச்சரான நிலையில் அவருக்கு தென்னிந்திய திரையுலகமே இணைந்து பாராட்டு விழா சென்னையில் நடத்த திட்டமிடப்பட்டுள்ளது.
சூப்பர் ஸ்டார் ரஜினிகாந்த் உள்பட பல முன்னணி பிரபலங்கள் உடன் இணைந்து நடித்தவர் நடிகை ரோஜா. இவர் சமீபத்தில் ஆந்திர மாநிலத்தின் சுற்றுலா மற்றும் இளைஞர் நலத்துறை அமைச்சராக பதவி ஏற்றார்.
இதனையடுத்து அவருக்கு பாராட்டு தெரிவிக்கும் வகையில் வரும் மே 7-ஆம் தேதி சென்னை கலைவாணர் அரங்கில் தென்னிந்திய திரையுலகம் சார்பில் பாராட்டு விழா நடத்த திட்டமிடப்பட்டுள்ளது.
இந்த பாராட்டு விழாவில் ஒட்டுமொத்த தென்னிந்திய திரையுலகினர் கலந்து கொண்டு ரோஜாவுக்கு தங்களது வாழ்த்துக்களையும் பாராட்டுக்களையும் தெரிவிக்க உள்ளனர் என்பது குறிப்பிடத்தக்கது.