సౌతిండియా కింగ్ సూపర్ స్టార్ మహేశ్..!
- IndiaGlitz, [Saturday,March 07 2020]
టాలీవుడ్ సూపర్ స్టార్ మహేశ్ బాబు గురించి ప్రత్యేకించి మరీ చెప్పనక్కర్లేదు. మరీ ముఖ్యంగా.. ఆయన ఎంచుకునే సినిమాలు, అభిమానుల ఫాలోయింగ్ గురించి అయితే అస్సలే చెప్పనక్కర్లేదు. మహేశ్ సినిమా రిలీజ్ అవుతోందంటే బాక్సాఫీస్ బద్ధలవ్వాల్సిందే. ఈయన సినిమాలు రిలీజ్ టైమ్‌లో ఎన్ని చిత్రాలొచ్చిన సదరు అభిమాని లేదా సినిప్రియుడి ఛాయిస్ మొదట మహేశ్ సినిమానే.. ఎందుకంటే ఆయన క్రేజ్ అలాంటిది మరి. ఒక్క మాటలో చెప్పాలంటే మహేశ్ తోపు అంతే..!. తెలుగు సినిమాను ఊహించనంత ఎత్తుకు తీసుకెళ్తున్న హీరోల్లో సూపర్‌స్టార్ మహేష్ బాబుది చాలా ప్రత్యేక స్థానమని అభిమానులు చెప్పుకుంటూ ఉంటారు.
కింగ్.. మహేశ్..!
ఒక్క సినిమా విషయంలోనే కాదండోయ్.. ఇప్పుడు మహేశ్ సౌతిండియాలో కింగ్. ఎలాగంటే.. ఇంతవరకూ మహేశ్ బాబు 22 బ్రాండ్స్‌కు బ్రాండ్ అంబాసిడర్‌గా పనిచేశారు. థమ్సప్, సంతూర్, శ్రీ సూర్య డెవలపర్స్, రాయల్ స్టాగ్ ఇలా చెప్పుకుంటూ పోతే చాలానే ఉన్నాయ్. ఇలా చాలా వరకు సౌత్‌లో యాడ్ చేయాలంటే మొదట సదరు కంపెనీ యాజమాన్యం మహేశ్‌నే ఎంచుకుంటోంది. వాణిజ్య విశ్లేషకులు, బ్రాండెడ్ కంపెనీలు మొదటి చాయిస్ మహేశ్ బాబే. అటు సినిమాలతో.. ఇటు ప్రకటనలతో బిజిబిజీగా మహేశ్ గడిపేస్తున్నాడు. సో.. సినిమాల్లోనే కాదు.. ప్రకటనల్లోనూ మహేశ్ బాబే కింగ్ అన్న మాట.
మహేశ్‌కు మంచి ఫాలోయింగ్.. వివాదాలకు దూరంగా ఉంటారు. అందుకే మహేశే మొదటి చాయిస్ అని విశ్లేషకులు చెబుతున్నారు. ఇప్పటి వరకూ అయితే 22 బ్రాండ్స్‌కు.. మున్ముంథు లెక్కలేనన్ని ప్రకటనలు చేసిన ఆశ్చర్యపోనక్కర్లేదేమో.