கணவருடன் திருச்செந்தூர் கோவிலுக்கு சென்ற சூப்பர் ஸ்டார் மகள்!
- IndiaGlitz, [Friday,August 20 2021]
சூப்பர் ஸ்டார் ரஜினிகாந்த் அவர்களின் மகள் சௌந்தர்யா ரஜினிகாந்த் தனது கணவருடன் திருச்செந்தூர் கோவிலுக்கு சென்று சுப்பிரமணியன் கோவிலில் சாமி தரிசனம் செய்ததாக தகவல்கள் வெளிவந்துள்ளன.
சூப்பர் ஸ்டார் ரஜினிகாந்தின் இரண்டாவது மகள் சௌந்தர்யா ரஜினிகாந்த். இவர் விசாகன் என்பவரை கடந்த சில ஆண்டுகளுக்கு முன்னர் திருமணம் செய்து கொண்டார் என்பது தெரிந்ததே.
இந்த நிலையில் தற்போது சௌந்தர்யா ரஜினிகாந்த் கர்ப்பமாக இருப்பதாக கூறப்படும் நிலையில் தனது கணவருடன் அவர் திருச்செந்தூர் சுப்பிரமணிய சுவாமி கோயிலுக்கு சென்று சாமி தரிசனம் செய்தார். மேலும் அங்கு நடந்த சிறப்பு பூஜைகளிலும் கலந்து கொண்டதாகவும் கோவில் யானைக்கு பழங்கள் மற்றும் கரும்புகள் வழங்கி ஆசி பெற்றதாகவும் தகவல்கள் வெளிவந்துள்ளன.
திருச்செந்தூர் கோவிலில் சௌந்தர்யா ரஜினிகாந்த் மற்றும் அவரது கணவர் விசாகன் சென்றது குறித்த புகைப்படம் தற்போது வைரலாகி வருகிறது.