சௌந்தர்யா ரஜினியின் புதிய வெப் தொடர்.. ஹீரோ, ஹீரோயினை அறிவித்த அமேசான் ப்ரைம்..!
- IndiaGlitz, [Tuesday,March 19 2024]
சௌந்தர்யா ரஜினிகாந்த் தயாரிப்பில் உருவான வெப் தொடர் ஒன்றை விரைவில் ஒளிபரப்பாக இருப்பதாக அமேசான் பிரைம் அறிவித்துள்ள நிலையில் இந்த அறிவிப்பு தற்போது இணையத்தில் வைரல் ஆகி வருகிறது.
சௌந்தர்யா ரஜினிகாந்த் தயாரிப்பில் ஒரு வெப் தொடர் உருவாகி வருவதாக ஏற்கனவே செய்திகள் வெளியான நிலையில் தற்போது இது குறித்து அதிகாரபூர்வ அறிவிப்பு வெளியாகி உள்ளது.
இந்த வெப் தொடருக்கு கேங்க்ஸ் குருதிப் புனல்’ என்ற டைட்டில் வைக்கப்பட்டுள்ள நிலையில் இந்த வெப் தொடரில் சத்யராஜ், நாசர், அசோக் செல்வன், நிமிஷா சஞ்சயன், ரித்திகா உள்ளிட்டோர் நடித்துள்ளதாகவும் இந்த வெப் தொடரை நோவா என்பவர் இயக்கி இருப்பதாகவும் அமேசான் பிரைம் தனது சமூக வலைத்தளத்தில் அறிவித்துள்ளது.
மேலும் இந்த வெப் தொடரில் அரசியல்வாதிகள், திரையுலக பிரபலங்கள், வியாபாரிகள், கடத்தல்காரர்கள் ஆகிய கேரக்டர்கள் இருப்பதாகவும் கடந்த 70களின் பின்னணியில் நடக்கும் இரண்டு கேங்ஸ்டர்களுக்கு இடையிலான மோதல் தான் இந்த வெப் தொடர் என்றும் அறிவிக்கப்பட்டுள்ளது.
அழுத்தமான கதையம்சம் கொண்ட இந்த தொடர் விரைவில் வெளியாகும் என்று அறிவிக்கப்பட்டுள்ளதை அடுத்து ரசிகர்கள் மிகுந்த ஆவலுடன் இந்த வெப் தொடருக்காக காத்திருக்கின்றனர் என்பது குறிப்பிடத்தக்கது.
In this period action drama, a tale of revenge fuels a bloody power struggle within the first organized gang of a port city. Replete with smugglers, dealers, film stars, aristocrats and politicians, this larger than life series weaves a narrative of ambition, betrayal, and a… pic.twitter.com/5Ig8M5CFWS
— prime video IN (@PrimeVideoIN) March 19, 2024