தமிழ் திரையுலகின் முன்னணி காமெடி நடிகர்களில் ஒருவரான சூரி தற்போது ஹீரோவாகவும் சில படங்களில் நடித்து வருகிறார் என்பதும் குறிப்பாக அவர் முக்கிய வேடத்தில் நடித்த ’விடுதலை’ திரைப்படம் மிகப்பெரிய வெற்றி பெற்றது என்பதும் தெரிந்ததே. மேலும் ‘விடுதலை 2’ படமும் விரைவில் வெளியாகவுள்ளது.

இந்த நிலையில் தற்போது சிவகார்த்திகேயன் நடிப்பில் ’கூழாங்கல்’ இயக்குனர் பிஎஸ் வினோத் ராஜ் இயக்கத்தில் உருவாகியுள்ள ’கொட்டுக்காளி’ என்ற திரைப்படத்தில் சூரி ஹீரோவாக நடித்து வருகிறார். மேலும் துரை செந்தில்குமார் இயக்கத்தில் ஒரு திரைப்படத்திலும் இன்னும் ஒரு சில படங்களிலும் அவர் நாயகனாக நடிக்க இருப்பதாக கூறப்படுகிறது.

இந்த நிலையில் சமீபத்தில் இலங்கை சுற்றுலா சென்ற சூரி அங்கு சிப் லைனில் அந்தரத்தில் சாகச பயணம் செய்த வீடியோவை தனது இன்ஸ்டாகிராம் பக்கத்தில் வெளியிட்டுள்ளார். இந்த வீடியோவுக்கு ஏராளமான லைக்ஸ், கமெண்ட்ஸ் குவிந்து வருகிறது. மேலும் இந்த பதிவில் அவர், ‘உங்களின் தன்னம்பிக்கை, துணிச்சல், உழைப்பு - இவற்றை பொறுத்தே உங்கள் மகிழ்ச்சி' என்று கேப்ஷனாக பதிவு செய்துள்ளார்.

மாஸ் ஹீரோக்கள் கூட இப்படி ஒரு ரிஸ்க் எடுத்து சாகச பயணம் செய்வார்களா என்பது சந்தேகம் என்றும் சூரிக்கு ரசிகர்கள் தங்களது வாழ்த்துக்களை தெரிவித்து வருகின்றனர். இந்த வீடியோ தற்போது இணையத்தில் வைரலாகி வருகிறது.

View this post on Instagram

A post shared by Actor Soori (@soorimuthuchamy)