தமிழ் திரையுலகின் முன்னணி காமெடி நடிகர்களில் ஒருவரான சூரி சமீபத்தில் வெளியான வெற்றிமாறனின் ’விடுதலை’ என்ற திரைப்படத்தில் முக்கிய கேரக்டரில் நடித்திருந்தார். அதன் பிறகு தற்போது சிவகார்த்திகேயன் தயாரிப்பில் உருவாகி வரும் ’கொட்டுக்காளி’ என்ற திரைப்படத்தில் அவர் நாயகனாக நடித்து வருகிறார்.

இந்த நிலையில் சூரி நாயகனாக நடிக்கும் இன்னொரு திரைப்படத்தின் படப்பிடிப்பு இன்று முதல் துவங்க உள்ளதாக தகவல் வெளியாகியுள்ளது. இந்த படத்திற்கு ’கருடன்’ என்ற டைட்டில் வைக்கப்பட்டுள்ளதாக கூறப்படுகிறது.

வெற்றிமாறன் கதையில் உருவாகும் இந்த படத்தை துரை செந்தில்குமார் இயக்க உள்ளார். இவர் ஏற்கனவே ’எதிர்நீச்சல்’ ’காக்கிச்சட்டை’ ’கொடி’ உள்ளிட்ட ஒரு சில படங்களை இயக்கியவர் என்பது குறிப்பிடத்தக்கது.

இந்த படத்தின் படப்பிடிப்பு இன்று முதல் தொடங்க இருப்பதாகவும், இன்றைய படப்பிடிப்பில் சூரியும் கலந்து கொள்ள இருப்பதாகவும் கூறப்படுகிறது