சூரி மற்றும் சசிகுமார் நடிப்பில் உருவாகி வரும் திரைப்படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் இந்த படத்தின் டைட்டில் கிளிம்ப்ஸ் வீடியோ சற்றுமுன் இணையத்தில் வெளியாகி வைரலாகி வருகிறது.

இந்த கிளிம்ப்ஸ் வீடியோவில் சசிகுமார் முன் சிலர் குற்றவாளி போல் இருக்க அதில் ஒருவர் தப்பித்து போக முயற்சிக்கிறார். அப்போது ’விஸ்சுவாசத்தில் மனுஷனுக்கும் நாய்க்கும் போட்டி வந்தால், எப்பவுமே நாய் தான் ஜெயிக்கும், ஆனா அதே நாய்க்கும் சொக்கனுக்கும் போட்டி வந்தால் ஜெயிக்கிறது எப்பவுமே என் சொக்கன் தான் என்ற வசனத்துடன் ’கருடன்’ என்ற டைட்டிலுடன் இந்த கிளிம்ப்ஸ் வீடியோ முடிவுக்கு வருகிறது. இதில் சொக்கனாக சூரி நடித்துள்ளார்.

சூரி மற்றும் சசிகுமார் முக்கிய வேடத்தில் நடிக்கும் இந்த படத்தில் உன்னி முகுந்தன், ரேவதி சர்மா, ரோஷினி ஹரிப்பிரியன், சமுத்திரகனி, மைம் கோபி, மொட்டை ராஜேந்திரன் உள்ளிட்ட பலர் நடித்துள்ளனர்

யுவன் சங்கர் ராஜா இசையில் உருவாகிய இந்த படத்தின் கதையை இயக்குனர் வெற்றிமாறன் எழுத, ஆர்எஸ் துரை செந்தில்குமார் இயக்கி உள்ளார். இந்த படத்தின் படப்பிடிப்பு விறுவிறுப்பாக நடைபெற்று வருவதாகவும் விரைவில் இந்த படத்தின் ரிலீஸ் தேதி அறிவிக்கப்படும் என்றும் எதிர்பார்க்கப்படுகிறது.