அமேசான் ப்ரைமில் சூப்பர் சாதனை செய்த சூரரை போற்று!
- IndiaGlitz, [Friday,February 19 2021]
சூர்யா நடிப்பில், சுதா கொங்கரா இயக்கத்தில், ஜிவி பிரகாஷ் இசையில் கடந்த ஆண்டு நவம்பர் 12ஆம் தேதி அமேசான் ஓடிடியில் ‘சூரரைப்போற்று’ திரைப்படம் வெளியானது. இந்த திரைப்படம் மிகப்பெரிய அளவில் வரவேற்பை பெற்றது என்பதும் அமேசான் பிரைம் ஓடிடியில் இந்த படத்தால் ஆயிரக்கணக்கான புதிய சப்ஸ்கிரைபர் குவிந்தனர் என்பதும் தெரிந்ததே.
இந்த படம் திரையரங்குகளில் வெளிவந்திருந்தால் சூர்யாவின் அதிகபட்ச வசூல் செய்த படமாக இருந்திருக்கும் என்று கோலிவுட் வட்டாரங்கள் கூறி வந்தன. இந்த நிலையில் தற்போது இந்த திரைப்படம் வெளியாகி நூறு நாட்கள் ஆனதை அடுத்து சூரரைப்போற்று படக்குழுவினர் அதனை கொண்டாடி வருகின்றனர். அந்த படத்தில் பணிபுரிந்த அனைத்து கலைஞர்களுக்கும் பட நிறுவனம் தனது நன்றியை தெரிவித்து வருகிறது என்பது குறிப்பிடத்தக்கது.
இந்த நிலையில் தற்போது வெளிவந்துள்ள தகவலின்படி அமேசான் பிரைம் இந்தியாவில் சூரரைப்போற்று ஒரு சூப்பர் சாதனையை செய்துள்ளது என்ற தகவல்கள் வெளிவந்துள்ளன. இந்த படம் பிராந்திய மொழியில் மிக அதிகமானவர்களால் பார்க்கப்பட்ட படம் என்ற சாதனையை நிகழ்த்தியுள்ளது. இதனை அடுத்து சூரரைப்போற்று செய்த இந்த சூப்பர் சாதனையை சூர்யா ரசிகர்கள் சமூக வலைதளங்களில் கொண்டாடி வருகின்றனர்.