சூர்யா நடிப்பில் சுதா கொங்கரா இயக்கத்தில் ஜிவி பிரகாஷ் இசையில் உருவாகியுள்ள ’சூரரைப்போற்று’ திரைப்படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் நடைபெற்று கொண்டிருந்த நிலையில் திடீரென கொரோனா காரணமாக ஊரடங்கு உத்தரவு பிறப்பிக்கப்பட்டுள்ளதால் தற்போது இந்த படத்தின் பணிகள் நிறுத்தப்பட்டுள்ளன.

இந்த நிலையில் இந்த படத்தில் இடம்பெற்ற சூர்யா பாடிய ’மாறாதீம்’ என்ற பாடல் மற்றும் விமானத்தில் வெளியான ’வெய்யோன் சில்லி’ ஆகிய பாடல் ஏற்கனவே வெளியாகி சூப்பர் ஹிட் ஆனது என்பது தெரிந்ததே.

இந்த நிலையில் இந்த படத்தின் அடுத்த பாடல் பாடல் குறித்த தகவல் மற்றும் அந்த பாடலை பாடியவர்கள் குறித்த விபரங்களை இன்று இரவு 8 மணிக்கு அறிவிக்கவிருப்பதாக இசையமைப்பாளர் ஜிவி பிரகாஷ் அவர்கள் தனது சமூக வலைத்தளத்தில் தெரிவித்துள்ளார். இதனையடுத்து இன்று இரவு 8 மணிக்கு மேல் சூர்யாவின் ரசிகர்கள் இந்த பாடலை டிரெண்டுக்கு கொண்டு வருவார்கள் என்று எதிர்பார்க்கப்படுகிறது.

சூர்யா, அபர்ணா பாலமுரளி, கருணாஸ், ஜாக்கி ஷெராப், மோகன்பாபு, பரேஷ் ராவல் உள்பட பலர் நடித்துள்ள இந்த படம், நிகேஷ் பொம்மிரெட்டி ஒளிப்பதிவில் சதீஷ் சூர்யா படத்தொகுப்பில் உருவாகியுள்ளது. இந்த படத்தை சக்தி பிலிம் பேக்டரி நிறுவனம் மற்றும் 2டி எண்டர்டெயின்மெண்ட் நிறுவனம் இணைந்து தயாரித்துள்ளது.

Coming live at 8 tonight on my YouTube channel ... performing trks on request ...will also reveal the next trk update and singer list from #SooraraiPottru tonight ... here is the link https://t.co/uYmvk9BFfh

— G.V.Prakash Kumar (@gvprakash) April 24, 2020