அஜித்துடன் ஆறாவது முறையாக இணைந்த பிரபல நிறுவனம்
- IndiaGlitz, [Wednesday,June 14 2017]
சிறுத்தை சிவா இயக்கத்தில் தல அஜித் நடித்து முடித்துள்ள 'விவேகம்' படத்தின் படப்பிடிப்புகள் முடிவடைந்து போஸ்ட் புரடொக்ஷன்ஸ் பணிகள் விறுவிறுப்பாக நடந்து கொண்டிருக்கின்றது. வரும் ஆகஸ்ட் 10ஆம் தேதி வெளியாகும் என்று எதிர்பார்க்கப்படும் இந்த படத்தின் இசை வெளீயீட்டு விழா குறித்த தேதி விரைவில் அறிவிக்கப்படும் என்ற தகவல் வெளிவந்துள்ளது.
இந்த நிலையில் இளம் இசைப்புயல் அனிருத் இசையமைத்துள்ள இந்த படத்தின் இசை உரிமையை பிரபல இசை நிறுவனம் சோனி மியூசிக் சவுத் கைப்பற்றியுள்ளது. இந்த தகவலை சோனி நிறுவனம் தனது சமூக வலைத்தளத்தில் அதிகாரபூர்வமாக தெரிவித்துள்ளது.
மேலும் இந்த நிறுவனம் தொடர்ந்து ஆறாவது முறையாக அஜித் நடிக்கும் படங்களின் இசை உரிமையை பெற்றுள்ளது என்பது குறிப்பிடத்தக்கது. இதற்கு முன்னர் 'மங்காத்தா', 'பில்லா 2', 'ஆரம்பம்', 'என்னை அறிந்தால்', 'வேதாளம்', 'ஆகிய படங்களின் இசை உரிமையையும் இதே நிறுவனம் தான் பெற்றுள்ளது என்பது குறிப்பிடத்தக்கது.