தனுஷ் படத்தின் நாயகியை ’நீங்கள் ஒரு ஹீரோ’ என நடிகர் சோனுசூட் பாராட்டி இருப்பது பெரும் பரபரப்பை ஏற்படுத்தி உள்ளது.

கொரோனா காலத்தில் புலம்பெயர் தொழிலாளர்கள் மட்டுமின்றி பல்வேறு தரப்பினருக்கும் கோடிக்கணக்கான ரூபாயை செலவு செய்து உதவி செய்து வருபவர் சோனு சூட் என்பது தெரிந்ததே. இப்போதும் அவர் தனது உதவியை தொடர்ந்து கொண்டுதான் இருக்கிறார் என்பது குறிப்பிடத்தக்கது.

இந்த நிலையில் சோனு சூட் நடத்தி வரும் தொண்டு நிறுவனத்திற்கு நடிகை சாரா அலி கான் ஒரு மிகப்பெரிய தொகையை நிதி உதவியாக வழங்கி உள்ளார். தனுஷ் நடித்து வரும் பாலிவுட் திரைப்படமான ’அட்ராங்கி ரே’ என்ற திரைப் படத்தில் நாயகியான இவர் கொரோனா நோயாளிகளுக்கு உதவி செய்யும் வகையில் சோனு சூட் தொண்டு நிறுவனத்திற்கு நிதி அளித்துள்ளதாக தெரிவித்துள்ளார்.

இதனை அடுத்து சாரா அலி கானுக்கு சோனு சூட் தனது டுவிட்டரில் பாராட்டியுள்ளார். உங்களது நன்கொடைக்கு மிகவும் நன்றி. இந்த இக்கட்டான நிலையில் மக்களுக்கு உதவி செய்ய வேண்டுமென்ற உங்களுடைய எண்ணம் இளைஞர்களுக்கு ஒரு எடுத்துக்காட்டாக உள்ளது. உங்களை எண்ணி நான் மிகவும் பெருமைப்படுகிறேன். நீங்கள் ஒரு ஹீரோ’ என குறிப்பிட்டுள்ளார். சோனு சூட்டின் இந்த டுவிட் தற்போது வைரலாகி வருகிறது.

Thank you so much my dear Sara Ali Khan for your contribution to the @soodfoundation! Extremely proud of you & keep on doing the good work. You have inspired the youth of the nation to come forward and help during these difficult times. You are a hero ??@sara_ali_khan95

— sonu sood (@SonuSood) May 8, 2021