'லிங்கா'வுக்கு பின்னர் சோனாக்ஷி நடிக்கும் தமிழ் படம்
- IndiaGlitz, [Sunday,December 18 2016]
பிரபல நடிகை காஜோல் 20 வருடங்களுக்கு பின்னர் மீண்டும் தமிழில் தனுஷின் 'வேலையில்லா பட்டதாரி 2' படத்தில் நடிக்கவுள்ளார் என்ற செய்தியை பார்த்தோம். அதேபோல் இன்னொரு பிரபல பாலிவுட் நடிகையான சோனாக்ஷி சின்ஹா சூப்பர் ஸ்டார் ரஜினியின் 'லிங்கா' படத்திற்கு பின்னர் மீண்டும் தமிழில் நடிக்க வாய்ப்பு இருப்பதாக செய்திகள் வெளிவந்துள்ளது.
மம்முட்டி, நயன்தாரா நடித்த 'பாஸ்கர் தி ராஸ்கல்' திரைப்படத்தின் தமிழ் ரீமேக்கில் அரவிந்தசாமி நடிக்கவுள்ளார் என்பது தெரிந்ததே. இந்த படத்தில் நயன்தாரா கேரக்டரில் நடிக்க சோனாக்ஷி சின்ஹாவிடம் படக்குழுவினர் பேச்சுவார்த்தை நடத்தி வருகின்றனர். இந்த படத்தில் நடிப்பது குறித்து சோனாக்ஷி இன்னும் முடிவை தெரிவிக்கவில்லை என்றாலும் அவர் நடிக்க ஒப்புக்கொள்ள அதிக வாய்ப்பு இருப்பதாக கூறப்படுகிறது.
நயன்தாராவின் இந்த கேரக்டரில் நடிக்க அமலாபாலிடமும் பேச்சுவார்த்தை நடந்து வருகிறது என்பது குறிப்பிடத்தக்கது. முன்னதாக நயன்தாராவிடமே இந்த படத்தில் நடிக்க படக்குழுவினர் அணுகியதாகவும், ஆனால் அவர் பிசியாக இருப்பதால் தற்போது வேறு நடிகையை ஒப்பந்தம் செய்ய படக்குழு முடிவு செய்திருப்பதாகவும் செய்திகள் வெளிவந்துள்ளது.