ప్ర‌తి సంవ‌త్స‌రం యాపిల్ సంస్థ టాలీవుడ్ బెస్ట్ ఆల్బ‌మ్ ను ప్ర‌క‌టిస్తుంటుంది. అలాగే ఈ సంవ‌త్స‌రం కూడా యాపిల్ ఐ ట్యూన్స్ బెస్ట్ ఆల్బ‌మ్ ని ఎనౌన్స్ చేసింది. ఇంత‌కీ ఈ ఇయర్ బెస్ట్ ఆల్బ‌మ్ ఏమిటంటారా..? స‌్టైలీష్ స్టార్ అల్లు అర్జున్ హీరోగా మాట‌ల మాంత్రికుడు త్రివిక్ర‌మ్ శ్రీనివాస్ ద‌ర్శ‌క‌త్వంలో రూపొందిన స‌న్నాఫ్ స‌త్య‌మూర్తి చిత్రాన్ని బెస్ట్ ఆల్బ‌మ్ గా ప్ర‌క‌టించింది.

అయితే ఇది సేల్స్ ప‌రంగా నిర్ణ‌యించింది కాదు..యూజ‌ర్ల నుంచి ల‌భించిన ఆద‌ర‌ణ బ‌ట్టి ఈ ఇయ‌ర్ బెస్ట్ గా నిర్ణ‌యించార‌ట‌. ఈ సినిమా క‌లెక్ష‌న్స్ రాబ‌ట్టిన‌ప్ప‌టికీ క‌థ‌లో కొత్త‌ద‌నం లేదు...త్రివిక్ర‌మ్ నుంచి ఇలాంటి సినిమా వ‌స్తుందనుకోలేదు..ఇలాంటి విమ‌ర్శ‌లు వ‌చ్చాయి. అలాంటిది స‌న్నాఫ్ స‌త్య‌మూర్తి ఈ సంవత్స‌రం బెస్ట్ ఆడియో ఆల్బ‌మ్ గా నిలిచిందంటే దేవిశ్రీప్ర‌సాద్ ని అభినందించాల్సిందే. యాపిల్ సంస్ధ ఈ ఇయ‌ర్ బెస్ట్ ఆల్బ‌మ్ స‌న్నాఫ్ స‌త్య‌మూర్తి అని ప్ర‌క‌టించ‌డం పై దేవిశ్రీప్ర‌సాద్ ట్విట్ట‌ర్ లో స్పందిస్తూ...ఇప్పుడే యాపిల్ సంస్థ నుంచి మెయిల్ వ‌చ్చింది. ఈ ఇయ‌ర్ బెస్ట్ ఆల్బమ్ గా స‌న్నాఫ్ స‌త్య‌మూర్తి నిల‌వ‌డం సంతోషంగా ఉంద‌న్నారు.