తండ్రి సినిమాలో న‌టించ‌న‌న్న తనయుడు
- IndiaGlitz, [Thursday,February 11 2016]
తండ్రి సినిమాలో న‌టించ‌న‌న్న తనయుడు..ఎవ‌ర‌నుకుంటున్నారా..? యువ హీరో ఆది. ఇంత‌కీ విష‌యం ఏమిటంటే...అనిల్ రావిపూడి తెర‌కెక్కించిన ప‌టాస్ సినిమాలో తండ్రి కొడుకులుగా సాయికుమార్ - క‌ళ్యాణ్ రామ్ న‌టించిన విష‌యం తెలిసిందే. తెలుగులో సూప‌ర్ హిట్ అయిన ఈ చిత్రాన్ని క‌న్న‌డ‌లో ఎస్.వి బాబు నిర్మిస్తున్నారు.
తెలుగులో సాయికుమార్ పోషించిన పాత్ర‌ను క‌న్న‌డ‌లో కూడా సాయికుమారే పోషిస్తున్నారు. అందుచేత క‌ళ్యాణ్ రామ్ పోషించిన పాత్ర‌ను పోషించ‌మ‌ని ఆదిని క‌న్న‌డ నిర్మాత ఎస్.వి.బాబు అడిగార‌ట. అయితే ఆది మాత్రం ఇప్పుడు ఆ పాత్ర నేను పోషించ‌డం క‌రెక్ట్ కాదు. అయినా నా దృష్టి అంతా తెలుగు సినిమాల పైనే అంటూ తండ్రి సినిమాలో న‌టించ‌నన్నాడ‌ట తనయుడు ఆది. అది సంగ‌తి.