అభిజీత్ కంటే ముందుగా..వెండితెర‌పైకి సోహైల్ ..!
- IndiaGlitz, [Thursday,December 24 2020]
బిగ్‌బాస్ 4లో అభిజీత్ విన్న‌ర్‌గా, అఖిల్ రన్న‌ర్‌గా నిలిచిన‌ప్ప‌టికీ మూడో స్థానంలో నిలిచిన సోహైల్ ప్రేక్ష‌కుల మ‌న్న‌న‌లు అందుకున్నాడు. బిగ్‌బాస్‌తో వ‌చ్చిన క్రేజ్‌ను సోహైల్ సినిమాల్లోకి ఉప‌యోగించుకోవాల‌ని అనుకున్నాడు. అందుక‌నే అభిజీత్ కంటే ముందుగా వెండితెర‌పై సెన్సేష‌న్ క్రియేట్ చేయ‌డానికి సోహైల్ రెడీ అయిపోయాడు. సోహైల్ హీరోగా ఓ సినిమా అనౌన్స్ అయ్యింది. జార్జిరెడ్డి, ప్రెష‌ర్ కుక్క‌ర్ చిత్రాల నిర్మాత అప్పిరెడ్డి, శ్రీనివాస్ వింజ‌నం ద‌ర్శ‌క‌త్వంలో సోహైల్ సినిమా చేయ‌బోతున్నాడు. ప్ర‌స్తుతం ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. ఫిబ్ర‌వ‌రి నుండి సినిమా సెట్స్ పైకి వెళ్ల‌నుంది. ఇదంతా బాగానే ఉన్నా.. బిగ్‌బాస్ ఫైన‌ల్ రోజున సోహైల్ సినిమాకు స‌పోర్ట్ చేస్తాన‌ని చిరంజీవి చెప్పిన విష‌యం అందరికీ తెలిసిందే. మ‌రి త్వ‌ర‌లోనే ప్రారంభం కానున్న సోహైల్ సినిమాలో చిరంజీవి న‌టిస్తాడా? లేక సోహైల్‌కు ప్ర‌మోష‌న్స్ ప‌రంగా ఏమైనా స‌పోర్ట్ చేస్తాడా? అని చూడాలి. అలాగే బ్ర‌హ్మానందం కూడా సోహైల్ సినిమాలో డ‌బ్బులు తీసుకోకుండా న‌టిస్తాన‌ని మాటిచ్చాడు. మ‌రి బ్ర‌హ్మానందం కూడా మాట నిల‌బెట్టుకుంటాడో లేదో చూడాలి.