టాలీవుడ్ కింగ్ నాగార్జున న‌టించిన సోగ్గాడే చిన్ని నాయనా చిత్రం సంక్రాంతి కానుక‌గా 450 ధియేట‌ర్స్ లో రిలీజ్ అయ్యింది. త‌క్కువ థియేట‌ర్స్ లో రిలీజ్ అయినా...వేరే సినిమాల పోటీ ఉన్నా.. తొలి రోజు నుంచే హిట్ టాక్ తో దూసుకెళుతుంది. రెండ‌వ వారంలో 150 థియేట‌ర్స్ పెంచారు. అయిన‌ప్ప‌టికీ క‌లెక్ష‌న్స్ మ‌రింత పెరిగాయే త‌ప్పా.. ఏమాత్రం త‌గ్గ‌లేదు.

నాగార్జున కెరీర్ లోనే ఎన్న‌డు లేని విధంగా ఈ స్ధాయిలో క‌లెక్ష‌న్స్ సాధిస్తుండ‌డం ఓ విశేష‌మైతే... యంగ్ హీరోల సినిమాల క‌లెక్ష‌న్స్ కి దీటుగా రికార్డు స్ధాయి క‌లెక్ష‌న్స్ సాధిస్తుండ‌డం మ‌రో విశేషం. నైజాం లో 11 రోజుల‌కు సోగ్గాడు చిన్ని నాయ‌నా 8 కోట్ల 8 ల‌క్ష‌ల షేర్ సాధించింది. రెండ‌వ వారం చివ‌రికి నైజాంలో 10 కోట్లు షేర్ ను వ‌సూలు చేయ‌డం ఖాయం అంటున్నారు సినీ పండితులు. లాంగ్ ర‌న్ లో నైజాంలో 11 కోట్లు వ‌సూలు చేయ‌చ్చు అని అంచ‌నా.