50 కోట్ల క్ల‌బ్ లో సోగ్గాడు
- IndiaGlitz, [Saturday,February 13 2016]
సోగ్గాడే చిన్ని నాయనా...నాగార్జున కెరీర్లో ఎప్ప‌టికీ మ‌ర‌చిపోలేని సంచ‌ల‌నం చిత్రం. సంక్రాంతికి విడుద‌లైన సోగ్గాడు చిత్రం ఊహ‌కంద‌ని విజ‌యాన్ని సొంతం చేసుకుంది. సంక్రాంతికి నాలుగు సినిమాల్లో ఒక‌టిగా రిలీజ్ అయి..అది కూడా 450 ధియేట‌ర్లో మాత్ర‌మే రిలీజ్ అయి..నాలుగు వారాల్లో 50 కోట్లు షేర్ సాధించ‌డం అంటే మామూలు విష‌యం కాదు. అలా..అరుదైన రికార్డ్ ను సోగ్గాడు (50 కోట్ల షేర్) సాధించి ఇండ‌స్ట్రీకే కాదు...అక్కినేని అభిమానుల‌కు కూడా షాక్ ఇచ్చాడు.
మహేష్, ప‌వ‌న్, ప్ర‌భాస్, చ‌ర‌ణ్, ఎన్టీఆర్ ల చిత్రాలు మాత్ర‌మే 50 కోట్లకు పైగా షేర్ సాధించాయి. వెంక‌టేష్ సీత‌మ్మ వాకిట్లో సిరిమ‌ల్లె చెట్టు సినిమాతో 50 కోట్లకు పైగా షేర్ సాధించినా...అందులో మహేష్ న‌టించ‌డంతో ఆస్ధాయి విజ‌యం సాధించిన విష‌యం తెలిసిందే.సో... సీనియ‌ర్ హీరోల్లో...సోలోగా 50 కోట్లకు పైగా షేర్ సాధించిన చిత్రం ఉన్న ఏకైక హీరో నాగార్జున.