టాలీవుడ్ కింగ్ నాగార్జున తో సోగ్గాడే చిన్ని నాయ‌నా సినిమా తెర‌కెక్కించి తొలి ప్ర‌య‌త్నంలోనే బ్లాక్ బ‌ష్ట‌ర్ సాధించిన డైరెక్ట‌ర్ క‌ళ్యాణ్ కృష్ణ‌. అన్న‌పూర్ణ స్టూడియోస్ బ్యాన‌ర్ పై నిర్మించిన సోగ్గాడే చిన్ని నాయ‌నా 45 కోట్లు షేర్ వ‌సూలు చేసి 50 కోట్లు దిశ‌గా నేటికీ విజ‌య‌వంతంగా ప్ర‌ద‌ర్శింప‌బ‌డుతుండ‌డం విశేషం.

ఇక‌ క‌ళ్యాణ్ కృష్ణ త‌దుప‌రి చిత్రాన్ని నాగ చైత‌న్య‌తో చేయ‌నున్నారు. చైత‌న్య కోసం క‌ళ్యాణ్ కృష్ణ ఓ క‌థ రెడీ చేసారు. ఇటీవ‌ల నాగ్ - చైత‌న్య కి క‌ళ్యాణ్ కృష్ణ క‌థ చెప్ప‌డం...క‌థ విని తండ్రీ కొడుకులు నాగ్ - చైతు గ్రీన్ సిగ్న‌ల్ ఇవ్వ‌డం జ‌రిగింద‌ట‌. ప్ర‌స్తుతం చైత‌న్య సాహ‌సం శ్వాస‌గా సాగిపో, ప్రేమ‌మ్ రీమేక్ లో న‌టిస్తున్నారు. ఈ రెండు చిత్రాలు ఏప్రిల్ కి పూర్త‌వుతాయి. ఆత‌ర్వాత చైత‌న్య క‌ళ్యాణ్ కృష్ణ తో చేయ‌నున్న సినిమా సెట్స్ పైకి వెళుతుంద‌ని స‌మాచారం.