వందకు పైగా సెంటర్స్ లో సోగ్గాడు అర్థశత దినోత్సవం..
- IndiaGlitz, [Friday,March 04 2016]
టాలీవుడ్ కింగ్ నాగార్జున హీరోగా న‌టిస్తూ...నిర్మించిన సంచ‌ల‌న చిత్రం సోగ్గాడే చిన్ని నాయ‌నా. అన్న‌పూర్ణ స్టూడియోస్ బ్యాన‌ర్ పై నూత‌న ద‌ర్శ‌కుడు క‌ళ్యాణ్ కృష్ణ తెరకెక్కించిన సోగ్గాడే చిన్నినాయ‌నా సంక్రాంతి కానుక‌గా రిలీజై విజ‌య‌వంతంగా యాభై రోజులు పూర్తి చేసుకుంది. ఎంత పెద్ద సినిమా అయినా రెండు, మూడు వారాలు ఆడ‌డ‌మే క‌ష్టమైపోతున్న ఈరోజుల్లో ఏకంగా 100 కు పైగా సెంటర్స్ లో 50 రోజులు పూర్తి చేసుకోవ‌డం అంటే మామూలు విష‌యం కాదు. అంతే కాదండోయ్...
ఈ సంచ‌ల‌న చిత్రం శాటిలైట్స్ తో క‌లుపుకుని దాదాపు 60 కోట్లు షేర్ వ‌సూలు చేయ‌డం విశేషం. దీంతో 50 కోట్ల మార్క్ ను క్రాస్ చేసిన ఏకైక సీనియ‌ర్ హీరోగా టాలీవుడ్ కింగ్ నాగార్జున చ‌రిత్ర సృష్టించారు. నాటి నుంచి నేటి వ‌ర‌కు ఎన్నో సంచ‌ల‌న చిత్రాల‌ను అందించిన సెల్యూలాయిడ్ సైంటిస్ట్ నాగార్జున మ‌రిన్ని సంచ‌ల‌న చిత్రాలు అందిస్తాడ‌ని ఆశిద్దాం.