கடந்த பொங்கல் தினத்தில் வெளியான விக்னேஷ்சிவன் இயக்கத்தில் சூர்யா, கீர்த்தி சுரேஷ் நடித்த 'தானா சேர்ந்த கூட்டம்' திரைப்படம் சூர்யாவின் ரசிகர்களிடையே நல்ல வரவேற்பை பெற்றது என்பது தெரிந்ததே. இந்த படம் தற்போது ஒரு புதிய சாதனையை செய்துள்ளது.

இந்த படத்தில் இடம்பெற்ற 'சொடக்கு மேல சொடக்கு போட்டு' பாடல் சமீபத்தில் யூடியூபில் லிரிக் வீடியோவாக வெளியானது. இந்த வீடியோவுக்கு மிகப்பெரும் ஆதரவு கிடைத்த நிலையில் தற்போது லிரிக் வீடியோக்களில் அதிக பார்வையாளர்களை பெற்ற பாடல் என்ற பெருமையை பெற்றுள்ளது. இந்த பாடலுக்கு 45 மில்லியனுக்கும் அதிகமான பார்வையாளர்கள் கிடைத்துள்ளனர் என்பது குறிப்பிடத்தக்கது.

இதுகுறித்து இயக்குனர் விக்னேஷ் சிவன் தனது சமூகவலைத்தளத்தில் கூறியபோது, 'அன்பான ரசிகர்களே நன்றி! எல்லா புகழும் சூர்யா மற்றும் ராக்ஸ்டார் அனிருத்துக்கே. மேலும் இந்த சாதனை புரிய உதவிய தயாரிப்பாளர் மற்றும் இந்த படத்தின் அனைத்து கலைஞர்களுக்கும் நன்றி' என்று கூறியுள்ளார்.