சூர்யா நடிப்பில் விக்னேஷ் சிவன் இயக்கத்தில் அனிருத் இசையமைப்பில் உருவாகி வரும் 'தானா சேர்ந்த கூட்டம்' படத்தில் இடம்பெற்ற 'சொடக்கு மேல' பாடலின் டீசர் சமீபத்தில் அனிருத் பிறந்த நாளான அக்டோபர் 16ஆம் தேதி ரிலீஸ் ஆகி நல்ல வரவேற்பை பெற்றது.

இந்த நிலையில் இந்த பாடலின் முழுவடிவம் ரிலீஸ் ஆகும் தேதியை அனிருத் தனது சமூக வலைத்தளத்தில் அறிவித்துள்ளார். இந்த பாடல் வரும் 26ஆம் தேதி வெளிவரவுள்ளது. இந்த தகவல் சூர்யா மற்றும் அனிருத் ரசிகர்களுக்கு உற்சாகத்தை கொடுத்துள்ளது.

வரும் பொங்கல் தினத்தில் ரிலீஸ் ஆகும் இந்த படத்தில் சூர்யா, கீர்த்திசுரேஷ், செந்தில், சரண்யா பொன்வண்ணன், ரம்யா கிருஷ்ணன், கோவை சரளா, கே.எஸ்.ரவிகுமார், ஆனந்த்ராஜ், ஆர்ஜே பாலாஜி, சுரேஷ்மேனன், தம்பி ராமையா உள்ளிட்டோர் இந்த படத்தில் நடித்து வருகின்றனர். மேலும் கார்த்திக் இந்த படத்தின் முக்கிய கேரக்டர் ஒன்றை ஏற்று நடித்து வருகிறார். 2D எண்டர்டெயின்மெண்ட் நிறுவனம் இந்த படத்தை தயாரித்து வருகிறது.