காவலர்களுக்கு உணவு வழங்கிய தன்னார்வலருக்கு கொரோனா: சென்னையில் அதிர்ச்சி
- IndiaGlitz, [Monday,April 27 2020]
சென்னையில் காவலர்களுக்கு உணவு, தேநீர் வழங்கி வந்தவருக்கு கொரோனா பாசிட்டிவ் உறுதி செய்யப்பட்டுள்ளதால் அவரிடம் உணவு மற்றும் தேநீர் வாங்கிய காவலர்கள் அனைவரையும் பரிசோதனைக்கு உட்படுத்த சுகாதாரத்துறை திட்டமிட்டுள்ளது. இதனால் பெரும் பரபரப்பு ஏற்பட்டுள்ளது.
சென்னையில் தினமும் 200 பேருக்கு உதவி செய்துவந்துள்ள தன்னார்வ இளைஞர் காவலர்களுக்கு மட்டுமின்றி பொதுமக்களுக்கும் உதவி செய்துள்ளார்.. குறிப்பாக ராயப்பேட்டை, ஐஸ்அவுஸ் காவல்நிலைய காவலர்களுக்கும், சென்னையில் சாலையில் வசிப்பவர்களுக்கும் அந்த தன்னார்வலர் உணவு வழங்கியதாக தெரிகிறது.
இந்த நிலையில் அந்த தன்னார்வளருக்கு சமீபத்தில் கொரோனா அறிகுறி இருந்ததை அடுத்து அவருக்கு பரிசோதனை செய்யப்பட்டதில் அவருவருக்கு கொரோனா தொற்று உறுதியாகியுள்ளது. இதனால் அவரிடம் உணவு வாங்கிய காவலர்கள் மற்றும் பொதுமக்கள் தற்போது பரிசோதனைக்கு காத்து கொண்டு இருப்பதாக செய்திகள் வெளியாகியுள்ளது.