பெரும் எதிர்பார்ப்பை ஏற்படுத்திய பிக்பாஸ் 2 நிகழ்ச்சி நாளை முதல் ஒளிபரப்பாகவுள்ளது. இந்த நிகழ்ச்சியில் கலந்து கொள்ளும் போட்டியாளர்கள் யார் என்பது சஸ்பென்ஸ் ஆக இருந்தாலும் போட்டியாளர்களில் பெரும்பாலும் செலிபிரிட்டியாகத்தான் இருப்பார்கள் என்பதே அனைவரின் யூகமாக உள்ளது.

இந்த நிலையில் பிக்பாஸ் 1 நிகழ்ச்சியில் கலந்து கொண்டு இறுதி போட்டி வரை தாக்குப்பிடித்த சினேகன், இந்த இரண்டாம் பிக்பாஸ் நிகழ்ச்சியில் கலந்து கொள்பவர்களுக்கு சில அறிவுரைகளை கூறியுள்ளார். அவர் கூறியுள்ள முக்கிய அறிவுரைகளில் ஒன்று 'போட்டியாளர்கள் அவர்களாகவே இருப்பதைத்தான் மக்கள் விரும்புவார்கள். நல்லவரோ கெட்டவரோ உங்கள் இயல்பு தன்மை மாறாமல் இருங்கள். நல்லவர் போல் வேஷம் போட வேண்டாம். மக்கள் கண்டுபிடித்துவிடுவார்கள். நீங்கள் இயல்பை மீறி வேஷம் போட்டாமல் உங்கள் சுயரூபம் ஒருநாள் வெளிப்படும்போது மக்களின் வெறுப்பிற்கு ஆளாவீர்கள்' என்பதுதான்.

மேலும் இந்த நிகழ்ச்சியின் சூத்திரமே நம்முடைய இயல்பில் இருந்து மாறாமல் இருக்க வேண்டும் என்பதுதான். இது தெரியாமல் தான் நாங்கள் இருந்தோம். அதனால் நாங்கள் செய்த தவறை நீங்களும் செய்ய வேண்டாம். மேலும் பிக்பாஸ் 2 நிகழ்ச்சியில் கலந்து கொள்பவர்கள் ஒருவகையில் கொடுத்து வைத்தவர்கள். உள்ளே எப்படி இருக்க வேண்டும் என்பதை நாங்கள் உங்களுக்கு சொல்லி கொடுத்துள்ளோம் என்று சினேகன் கூறியுள்ளார்.