விடிய விடிய 'தல அஜித்' படம்: பிரபல தியேட்டர் உரிமையாளர் டுவீட்
- IndiaGlitz, [Saturday,June 08 2019]
தமிழகத்தில் 24 மணி நேரமும் திரையரங்குகள் இயங்க நேற்று தமிழக அரசு அனுமதி அளித்துள்ளது. ஆனால் வெள்ளிக்கிழமை ரிலீஸ் ஆகும் திரைப்படங்களுக்கு திங்கட்கிழமையே கூட்டம் வருவதில்லை. நார்மல் காட்சிகளுக்கே இந்த நிலை என்றால் விடிய விடிய தியேட்டர்கள் இயங்குவது எப்படி? என்ற கேள்வி ஒருபுறம் உள்ளது.
இருப்பினும் மாஸ் நடிகர்களான ரஜினி, அஜித், விஜய் படங்கள் ரிலீஸாகும்போது இனிமேல் அதிகாலை காட்சிக்கு மட்டும் ரசிகர்கள் காத்திருக்க தேவையில்லை. இந்த நடிகர்களின் படங்கள் விடிய விடிய திரையிட்டாலும் தியேட்டர்கள் நிரம்புவது உறுதி.
இந்த நிலையில் சென்னையின் முன்னணி திரையரங்குகளில் ஒன்றான வெற்றி திரையரங்கின் உரிமையாளர் தனது சமூக வலைத்தள பக்கத்தில், '24 மணி நேரமும் திரையரங்குகள் இயங்க தமிழக அரசு அனுமதி அளித்ததை அடுத்து தல அஜித்தின் 'நேர் கொண்ட பார்வை' படத்தை விடிய விடிய திரையிட திட்டமிட்டுள்ளோம். ரசிகர்களுக்கு அன்று தூங்கா இரவுதான்' என்று டுவீட் செய்துள்ளார்.