மகேஷ்பாபுவுடன் விஜய், விஜய்யுடன் விக்ரம்: புதுமையான கூட்டணி
- IndiaGlitz, [Tuesday,September 19 2017]
இன்றைய கோலிவுட் திரையுலகினர் ஒருவருக்கொருவர் ஒற்றுமையாக இருக்கின்றனர் என்பது பல நிகழ்ச்சியில் இருந்து தெரியவந்துள்ளது. குறிப்பாக ஒரு பிரபல நடிகர் நடித்த படத்தின் டீசர், டிரைலர் ஆகியவற்றை இன்னொரு பிரபலம் வெளியிடுவது என்பது தற்போது சர்வ சாதாரணமாக நடந்து வருகிறது.
இந்த நிலையில் தற்போது ஒரு பிரபலத்தின் படம் ரிலீஸ் ஆகும்போது அந்த படத்தின் இடைவேளையில் இன்னொரு பிரபல நடிகர் படத்தின் டீசர் அல்லது டிரைலர் திரையிடப்படுவது ஒரு டிரெண்டாக மாறி வருகிறது.
அந்த வகையில் மகேஷ்பாபுவின் 'ஸ்பைடர்' மற்றும் விஜய்சேதுபதியின் 'கருப்பன்' படத்தின் இடையில் தளபதி விஜய்யின் 'மெர்சல்' படத்தின் டீசர் திரையிடப்படவுள்ளதாக வெளிவந்த செய்தியை நேற்று பார்த்தோம்
இந்த நிலையில் வரும் தீபாவளி அன்று திரைக்கு வரும் 'மெர்சல்' படத்தின் இடைவேளையின்போது சீயான் விக்ரமின் 'ஸ்கெட்ச்' படத்தின் டீசர் திரையிடப்படவுள்ளதாக தற்போது செய்தி வெளிவந்துள்ளது. இந்த தகவல் விஜய், விக்ரம் ரசிகர்களுக்கு இரட்டிப்பு கொண்டாட்டம் என்பதை சொல்லவும் வேண்டுமா?