சிவகார்த்திகேயனின் அடுத்த பட இயக்குனர் மற்றும் தயாரிப்பாளர் யார்?
- IndiaGlitz, [Wednesday,May 02 2018]
நடிகர் சிவகார்த்திகேயன் நடித்த 'சீமராஜா' படத்தின் படப்பிடிப்பு முடிந்து தற்போது அந்த படத்தின் போஸ்ட் புரடொக்சன்ஸ் பணிகள் நடைபெற்று வருகிறது. இந்த நிலையில் சிவகார்த்திகேயன் நடிக்கும் அடுத்த படத்தின் படபூஜை இன்று சென்னையில் நடைபெற்றது.
சிவகார்த்திகேயனின் அடுத்த படத்தை பிரபல இயக்குனர் எம்.ராஜேஷ் இயக்கவுள்ளார் என்றும், இந்த படத்தை ஸ்டுடியோக்ரீன் ஞானவேல்ராஜா தயாரிக்கவுள்ளார் என்றும் செய்திகள் வெளிவந்த நிலையில் இன்று இந்த செய்திகள் உறுதியாகியுள்ளது.
இன்று நடைபெற்ற இந்த படத்தின் பூஜையில் சிவகார்த்திகேயன், எம்.ராஜேஷ், ஞானவேல்ராஜா, நடிகர் சதீஷ் உள்பட பலர் கலந்து கொண்டனர். இந்த படத்தின் படப்பிடிப்பு மிக விரைவில் தொடங்கும் என்று எதிர்பார்க்கப்படுகிறது.