சிவகார்த்திகேயன் தற்போது ஒரே நேரத்தில் நான்கு படங்களில் நடிக்க கமிட் ஆகியிருந்தாலும் அதில் சன் பிக்சர்ஸ் தயாரிப்பில் பாண்டிராஜ் இயக்கி வரும் படம் ரிலீசில் முந்திவிடும்போல் தெரிகிறது.

சிவகார்த்திகேயனின் 16வது படமாக உருவாகி வரும் இந்த படத்தின் படப்பிடிப்பு விறுவிறுப்பாக நடந்து வரும் நிலையில் இந்த படம் அனேகமாக நீண்ட விடுமுறை நாட்கள் உள்ள ஆயுதபூஜை விடுமுறையின்போது வெளியாக அதிக வாய்ப்புள்ளதாக செய்திகள் வெளிவந்து கொண்டிருக்கின்றது.

இந்த நிலையில் இந்த படத்தின் வொர்க்கிங் ஸ்டில் ஒன்று சற்றுமுன் வெளியாகி சமூக வலைத்தளங்களில் திடீரென டிரெண்டுக்கு வந்துள்ளது. இந்த புகைப்படத்தில் சிவகார்த்திகேயன், ஐஸ்வர்யா ராஜேஷ், சூரி, இயக்குனர் பாண்டிராஜ் மற்றும் நீரவ் ஷா ஆகியோர் உள்ளனர். இந்த புகைப்படத்தை சிவகார்த்திகேயன், சூரி, ஐஸ்வர்யா ராஜேஷ் ஆகியோர் தங்கள் சமூக வலைத்தள பக்கங்களில் பதிவு செய்துள்ளனர் என்பது குறிப்பிடத்தக்கது.