புலி படத்தில் நடித்து முடித்துவிட்ட விஜய் கடந்த 1ஆம் தேதி முதல் அட்லி இயக்கத்தில் உருவாகி வரும் 'விஜய் 59' படத்தில் நடித்து வருகிறார். இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் விஜய் 60' படத்தை இயக்கவுள்ளது யார்? என்பது குறித்த செய்திகள் அவ்வப்போது வெளிவந்து கொண்டிருக்கின்றது.

ஏ.ஆர்.முருகதாஸ், சசிகுமார், கே.வி.ஆனந்த் ஆகியோர்களின் பெயர்கள் விஜய் 60' படத்தை இயக்குவார்கள் என்று கூறப்படும் நிலையில் இந்த பட்டியலில் எஸ்.ஜே.சூர்யாவின் பெயரும் தற்போது இணைந்துள்ளது.

சமீபத்தில் விஜய்யை சந்தித்து எஸ்.ஜே.சூர்யா கூறிய ஒருவரிக்கதை விஜய்க்கு பிடித்துவிட்டதாகவும், அந்த கதையை டெவலப் செய்ய விஜய் அனுமதி கொடுத்திருப்பதாகவும் கூறப்படுகிறது. இந்த படத்தை தலைவா படத்தை தயாரித்த சந்திரபிரகாஷ் ஜெயின் தயாரிப்பார் என தெரிகிறது.

விஜய் ஏற்கனவே எஸ்.ஜே.சூர்யாவின் இயக்கத்தில் குஷி என்ற சூப்பர் ஹிட் படத்தில் நடித்துள்ளார் என்பது குறிப்பிடத்தக்கது.