முருகதாசுக்காக எஸ்.ஜே.சூர்யா எடுக்கும் முதல் முயற்சி
- IndiaGlitz, [Monday,September 26 2016]
பிரபல இயக்குனர் ஏ.ஆர்.முருகதாஸ் இயக்கி வரும் தமிழ், தெலுங்கு என இருமொழி படத்தில் தெலுங்கு சூப்பர் ஸ்டார் மகேஷ்பாபு மற்றும் ராகுல் ப்ரித்திசிங் நடித்து வருவது தெரிந்ததே. இந்த படத்தின் முதல்கட்ட படப்பிடிப்பு ஐதராபாத்தில் முடிவடைந்து தற்போது சென்னையில் அடுத்தகட்ட படப்பிடிப்பு நடந்து வருகிறது.
இந்நிலையில் இந்த படத்தில் பிரபல நடிகரும், இயக்குனருமான எஸ்.ஜே.சூர்யா மெயின் வில்லனாக நடிக்கவுள்ளார் என்ற செய்தியை ஏற்கனவே பார்த்தோம். தற்போது வெளிவந்துள்ள புதிய செய்தியின்படி இந்த படத்திற்காக எஸ்.ஜே.சூர்யா, சிக்ஸ்பேக் வைக்கும் முயற்சியில் ஈடுபட்டுள்ளதாக கூறப்படுகிறது. இதற்கு முன்னர் எஸ்.ஜே.சூர்யா, எந்த படத்திலும் சிக்ஸ்பேக்கில் நடிக்கவில்லை என்பதால் இது அவருடைய முதல்முயற்சியாக கருதப்படுகிறது.
ஹாரிஸ் ஜெயராஜ் இசையில் உருவாகி வரும் இந்த படத்திற்கு சந்தோஷ் சிவன் ஒளிப்பதிவும், ஸ்ரீகர்பிரசாத் படத்தொகுப்பும் செய்துவருகின்றனர். மேலும் இந்த படத்தின் காமெடி வேடத்தில் ஆர்.ஜே.பாலாஜி நடித்து வருகிறார் என்பது குறிப்பிடத்தக்கது.