மகேஷ்பாபு-முருகதாஸ் படத்தின் வில்லன் குறித்த அதிகாரபூர்வ அறிவிப்பு
- IndiaGlitz, [Wednesday,June 08 2016]
துப்பாக்கி, கத்தி உள்பட பல வெற்றி படங்களை இயக்கிய பிரபல இயக்குனர் ஏ.ஆர்.முருகதாஸ் தற்போது 'அகிரா' என்ற பாலிவுட் படத்தை இயக்கி முடித்துள்ளார். சோனாக்ஷி சின்ஹா முக்கிய வேடத்தில் நடித்த இந்த படம் விரைவில் வெளியாகவுள்ள நிலையில் அடுத்ததாக அவர் மகேஷ்பாபு நடிக்கும் படத்தை இயக்கவுள்ளார். மகேஷ்பாபு-முருகதாஸ் இணையும் இந்த படத்தின் படப்பிடிப்பு ஜூலை 15 முதல் தொடங்கவுள்ளது.
இந்நிலையில் இந்த படத்தின் வில்லனாக முதலில் எஸ்.ஜே.சூர்யா நடிக்கவுள்ளதாகவும் பின்னர் அக்ஷயகுமார் நடிக்கவுள்ளதாகவும் செய்திகள் வெளிவந்தன. தற்போது இந்த படத்தில் எஸ்.ஜே.சூர்யாதான் வில்லனாக நடிக்கவுள்ளதாக முருகதாஸ் தனது சமூக இணையதளத்தில் அதிகாரபூர்வமாக அறிவித்துள்ளார். எஸ்.ஜே.சூர்யாவுடன் இணைந்து பணியாற்றுவதில் மகிழ்ச்சி என்றும் அவர் தெரிவித்துள்ளார்.
இந்த படத்தின் ஆரம்பகட்ட பணிகள் விறுவிறுப்பாக நடைபெற்று வருவதாகவும் மகேஷ்பாபுவுக்கு ஜோடியாக நடிக்கும் நடிகை உள்பட மற்ற நடிகர், நடிகைகள் மற்றும் தொழில்நுட்ப கலைஞர்களின் தேர்வு நடைபெற்று வருவதாகவும் கூறப்படுகிறது.