அஜித் நடித்த ’வாலி’, விஜய் நடித்த ’குஷி’ உள்பட பல திரைப்படங்களை இயக்கியவரும் மெர்சல், ஸ்பைடர் உள்பட ஒரு சில பல திரைப்படங்களில் நடித்தவருமான எஸ்ஜே சூர்யா தற்போது ’பொம்மை’ என்ற படத்தில் நடித்து முடித்துள்ளார்.

ராதாமோகன் இயக்கிய இந்த படத்தில் எஸ்.ஜேசூர்யாவுக்கு ஜோடியாக ப்ரியா பவானிசங்கர் நடித்துள்ளார் என்பது குறிப்பிடதக்கது இந்த படத்தின் படப்பிடிப்பு முடிவடைந்து தற்போது தொழில்நுட்ப பணிகள் விறுவிறுப்பாக நடைபெற்று வருகிறது.

இந்த நிலையில் எஸ்ஜே சூர்யா தனது சமூக வலைத்தளத்தில் பிரியா பவானிசங்கர் நடிப்பை பாராட்டி ’பொம்மை’ படத்தில் ’ப்ரியா பவானிசங்கர் நடிப்பில் கொஞ்சம் சிம்ரன் மற்றும் கொஞ்சம் திரிஷாவின் நடிப்பு இருந்ததாகத் தெரிவித்துள்ளார். தமிழ்த் திரையுலகில் பல ஆண்டுகளாக நாயகிகளாக புகழ்பெற்ற இரண்டு நடிகைகளுடன் பிரியா பவானிசங்கரை எஸ்.ஜே.சூர்யா ஒப்பிட்டுள்ளார் என்பது குறிப்பிடத்தக்கது.

ஏற்கனவே எஸ்ஜே சூர்யா மற்றும் பிரியா பவானிசங்கர் ஆகிய இருவரும் ’மான்ஸ்டர்’ என்ற படத்தில் நடித்து உள்ளனர் என்பதும் அந்த படம் நல்ல வெற்றியைப் பெற்ற படம் என்பதும் குறிப்பிடத்தக்கது.

“ Bommai “ .... isn’t ⁦@priya_Bshankar⁩ looks like konjam ⁦@SimranbaggaOffc⁩ & konjam ⁦@trishtrashers⁩ ?? pic.twitter.com/xVb4iKnE9t

— S J Suryah (@iam_SJSuryah) January 11, 2020