'సైజ్ జీరో' వస్తుందట...
- IndiaGlitz, [Saturday,September 26 2015]
అందాల తార అనుష్క ప్ర‌ధాన పాత్ర‌లో రూపొందిన చిత్రం సైజ్ జీరో. ఈ చిత్రాన్ని ద‌ర్శ‌కేంద్రుడు త‌న‌యుడు ప్ర‌కాష్ కొవెల‌మూడి తెర‌కెక్కించారు. ప్ర‌ముఖ నిర్మాణ సంస్థ పి.పి.పి బ్యాన‌ర్ పై తెలుగు, త‌మిళ భాష‌ల్లో ఈ చిత్రాన్ని నిర్మించారు. వైవిధ్య‌మైన క‌థాంశంతో రూపొందిన ఈ చిత్రంలో అనుష్క స‌ర‌స‌న ఆర్య న‌టించారు.
ఈ చిత్రంలో మ‌న్మ‌ధుడు నాగార్జున గెస్ట్ రోల్ క‌నిపిస్తుండ‌డం విశేషం.ఈ సినిమాకి స్వ‌ర‌వాణి కీర‌వాణి సంగీతాన్ని అందించారు. సైజ్ జీరో చిత్రం ఆడియో ఇప్ప‌టికే రిలీజ్ కావాలి. కానీ రుద్ర‌మ‌దేవి రిలీజ్ అవుతుంద‌ని సైజ్ జీరో ఆడియో, మూవీ రిలీజ్ వాయిదా వేసారు. అయితే రుద్ర‌మ‌దేవి రిలీజ్ వాయిదా ప‌డ‌డంతో సైజ్ జీరో ముందుకు వ‌చ్చింది. త్వ‌ర‌లోనే ఆడియోను రిలీజ్ చేసి సైజ్ జీరో సినిమాని అక్టోబ‌ర్ 9న రిలీజ్ చేయ‌డానికి ప్లాన్ చేస్తున్నార‌ట.