కన్ ఫర్మేనంటున్నారు...
- IndiaGlitz, [Saturday,September 05 2015]
పివిపి బ్యానర్ ప్రొడక్షన్ నెం.10గా నిర్మిస్తోన్న భారీ చిత్రం సైజ్ జీరో'. ప్రకాష్ కోవెలమూడి దర్శకుడు . బాహుబలి' వంటి విజువల్ వండర్ లో దేవసేన పాత్రలో అలరించిన స్టార్ హీరోయిన్ అనుష్క త్వరలోనే డిఫరెంట్ రొమాంటిక్ ఎంటర్ టైనర్ సైజ్ జీరో'తో మన ముందుకు రానుంది. తెలుగు, తమిళంలో ద్వి భాషా చిత్రంగా రూపొందుతున్న ఈ చిత్రం ఈ నెల‌తో షూటింగ్ కార్య‌క్ర‌మాల‌ను పూర్తి చేసుకుంటుంది. త్వరలోనే ఫ‌స్ట్ లుక్‌, ఆడియో విడుద‌ల‌కు చిత్ర‌యూనిట్ స‌న్నాహాలు చేస్తుంది.
ముందు సినిమాని అక్టోబర్ 2న విడుదలవుతుందని వార్తలు వినిపించాయి. ఇప్పుడు ఈ సినిమా అక్టోబర్ 2న విడుదల కావడం లేదని విశ్వసనీయవర్గాల సమాచారం. అందుకు కారణం తెలుగు, తమిళంలో ఒకేరోజున విడుదల కావాలని ప్లాన్ వేస్తున్న నిర్మాతలకు తమిళంలో విజయ్ పులి' రూపంలో ఆటంకం రావడంతో సినిమా విడుదల వాయిదా పడ్డట్టేనని, ఆడియో విడుదల కూడా సెప్టెంబర్ 6న విడుదల చేయడం లేదని తెలిసింది.