சமூக வலைத்தளங்களில் வலம் வரும் 6 வயது தனுஷ் போட்டோ
- IndiaGlitz, [Saturday,February 13 2016]
வெற்றிமாறனுடன் இணைந்து தனுஷ் தயாரித்த 'விசாரணை' திரைப்படம் சூப்பர் ஹிட் ஆகியுள்ள நிலையில், தனுஷ் தற்போது 'கொடி' படத்தின் படப்பிடிப்பில் பிசியாக உள்ளார். மேலும் கோலிவுட், பாலிவுட், ஹாலிவுட் என பிசியாக இருக்கும் தனுஷ், அவ்வப்போது சமூக வலைத்தளங்களிலும் தனது ரசிகர்களுக்காக வலம் வருவது வழக்கமே
இந்நிலையில் சமீபத்தில் தனது சமூக வலைத்தள பக்கத்தில் 6 வயதில் எடுக்கப்பட்ட புகைப்படம் ஒன்றை தனுஷ் பதிவு செய்துள்ளார். இந்த புகைப்படத்தில் தனுஷ் மற்றும் அவரது சகோதரிகள் விமலகீதா மற்றும் கார்த்திகா உள்ளனர்.
ஆறு வயதில் எனது சகோதரிகளுடன் எடுக்கப்பட்டது இந்த புகைப்படம். எனது பொன்னான குழந்தை பருவத்தில் எடுக்கப்பட்ட இந்த புகைப்படம் எனது மலரும் நினைவுகளில் ஒன்று' என்று அதில் தனுஷ் பதிவு செய்துள்ளார். தனுஷின் இந்த புகைப்படத்தை அவரது ரசிகர்கள் அதிகளவில் ஷேர் செய்தும் லைக் செய்தும் வருகின்றனர்.