కూతురి పెళ్లిని ఎంతో ఆనందంగా.. ఘనంగా జరిపించాలనుకున్నారు. వచ్చే నెల 10వ తారీఖున క్రైస్తవ సంప్రదాయంలో వివాహం జరిపించేందుకు ఇరువైపుల పెద్దలూ ముహూర్తం నిశ్చియించారు. క్రమంలోనే పెళ్లి బట్టల కోసం పెళ్లికూతురి కుటుంబం ఓ ఆటోలో బయల్దేరింది. ఆనందంగా పెళ్లి బట్టల కోసం వెళుతున్న వారి జీవితాలు మార్గమధ్యంలోనే ముగిసిపోయాయి. ఆటోలోనే పెళ్లికూతురి కుటుంబం సహా ఆరుగురు దుర్మరణం పాలయ్యారు.

మహబూబాద్ జిల్లాలో ఈ దారుణ ఘటన చోటు చేసుకుంది. పెళ్లి బట్టలకోసమని పెళ్లికూతురు సహా ఆమె కుటుంబ సభ్యులు వెళుతున్న ఆటోను గూడూరు మండలం మర్రిమిట్ట గ్రామ సమీపంలో లారీ ఢీకొట్టింది. ఈ ప్రమాదంలో ఆటోలో ఉన్న పెళ్లికూతురి కుటుంబం సహా ఆరుగురు ఆటోలో ఉన్నవారు ఉన్నట్టే మృతి చెందారు. మృతదేహాలు నుజ్జునుజ్జయ్యాయి. ఆటో గూడూరు మండలం ఎర్రకుంటతండా నుంచి నర్సంపేటకు వైపు వెళుతోంది.మృతుల్లో ముగ్గురు మహిళలున్నారు. మృతదేహాలన్న ఆటోను 25అడుగుల మేర లారీ లాక్కెళ్లింది. దీంతో పెళ్లింట తీవ్ర విషాదం నెలకొంది.