பிசாசு' பட இயக்குனர் மிஷ்கின் தயாரிப்பில் ராம்' நடிக்கவுள்ள திரைப்படம் 'சவரக்கத்தி' என்பதை ஏற்கனவே பார்த்தோம். இந்த படத்தில் நடிகை பூர்ணா, நாயகியாக ஒப்பந்தம் செய்யப்பட்டுள்ளார் என்பதும் தெரிந்ததே. ஆனால் இந்த படத்தில் நாயகியாக நடிக்க வைக்க பூர்ணாவுக்கு முன்னர் இயக்குனர் மிஷ்கின், ஆறு பிரபல நடிகைகளை அணுகியதாகவும், ஆறு நடிகைகளும் அவர் கூறிய கேரக்டரில் நடிக்க மறுத்துவிட்டதாகவும் செய்திகள் வெளிவந்துள்ளது.

இதுகுறித்து மிஷ்கின் கூறியபோது, "ஆம், ஆறு நாயகிகள் இந்த படத்தில் நடிக்க மறுத்துவிட்டனர். ஆனால் பூர்ணா இந்த படத்தின் நாயகியாக நடிக்க தைரியமாக ஒப்புக்கொண்டார். அவருக்கு என்னுடைய பாராட்டுக்கள்.இந்த கேரக்டர் அவருக்கு கண்டிப்பாக ஒரு சவாலான கேரக்டராக இருக்கும்.

மேலும் இந்த படத்தின் கதையை நான் எழுதும்போதே, இந்த படத்தின் நாயகனாக இயக்குனர் ராம் நடிக்க வேண்டும் என்பதை முடிவு செய்து விட்டேன். ஒரு இயக்குனராக அவரை பார்த்து வியந்த ரசிகர்கள், கண்டிப்பாக ஒரு நடிகராகவும் இந்த படத்தில் பார்த்து ஆச்சரியப்படுவார்கள்

இந்த படத்தின் வில்லன் கேரக்டரில் நடிக்கவிருக்கும் நான், இந்த படத்திற்காக 15 கிலோ எடையை குறைக்க முடிவு செய்துள்ளேன். ஆதித்யா இயக்கவுள்ள இந்த படம் வரும் ஆகஸ்ட் மாதம் முதல் படப்பிடிப்பு தொடங்கும்.\

இவ்வாறு இயக்குனர் மிஷ்கின் கூறியுள்ளார்.