'கஜா' புயல் நிவாரண நிதியாக மிகப்பெரிய தொகை கொடுத்த சிவகுமார் குடும்பம்
- IndiaGlitz, [Monday,November 19 2018]
சமீபத்தில் ஏற்பட்ட கஜா புயலினால் நாகை, வேதாரண்யம், தஞ்சை உள்பட டெல்டா மாவட்ட பகுதிகள் நிலைகுலைந்துள்ளது. அந்த பகுதி மக்கள் தங்களுடைய முழு வாழ்வாதாரத்தையும் இழந்து சொந்த ஊரிலேயே அகதிகள் போல் வாழும் நிலை ஏற்பட்டுள்ளது.
கஜா புயலினால் பாதிக்கப்பட்ட மக்களுக்கு மத்திய, மாநில அரசுகள் தகுந்த உதவிகளை செய்து கொண்டிருந்தாலும் பல தனியார் அமைப்புகளும் தொண்டு நிறுவனங்களும் ஏராளமான உதவிகளை செய்து வருகின்றனர். அந்த வகையில் இயற்கை பேரிடர் எப்போதும் நடந்தாலும் பெருமளவு கைகொடுப்பது திரையுலகினர்களே. அதில் குறிப்பாக சிவகுமார் குடும்பத்தினர்களின் பங்கு பெரும்பங்காக இருக்கும்
இந்த நிலையில் கஜா புயல் நிவாரண நிதியாக சிவகுமார், சூர்யா, கார்த்தி, ஜோதிகா, மற்றும் 2D எண்டர்டெயின்மெண்ட் நிறுவனம் ஆகியவை சார்பாக ரூ.50 லட்சம் நிவாரண நிதியாக வழங்கப்பட்டுள்ளது. ஏற்கனவே கேரள வெள்ள நிவாரண நிதியாக நடிகர்கள் சூர்யா மற்றும் கார்த்தி ஆகியோர் ரூ.25 லட்சம், முதலமைச்சர் பொது நிவாரண நிதிக்காக வழங்கியுள்ளனர் என்பது குறிப்பிடத்தக்கது.