கேவி ஆனந்த் குடும்பத்திற்கு இன்ப அதிர்ச்சி கொடுத்த சூர்யா குடும்பம்.. ஒரு நெகிழ்ச்சியான சந்திப்பு..!
- IndiaGlitz, [Monday,February 12 2024]
மறைந்த இயக்குனர் கேவி ஆனந்த் இயக்கத்தில் உருவான ’அயன்’ ’மாற்றான்’ மற்றும் ’காப்பான்’ ஆகிய மூன்று படங்களில் சூர்யா நடித்துள்ளார் என்பதும் மூன்றுமே நல்ல வெற்றி படங்கள் என்பதும் தெரிந்ததே.
இந்த நிலையில் கேவி ஆனந்த் கடந்த 2021 ஆம் ஆண்டு ஏப்ரல் 30-ஆம் தேதி திடீரென ஏற்பட்ட மாரடைப்பு காரணமாக காலமானதாகவும் அவர் ஏற்கனவே கொரோனா வைரஸ் பாதிப்பில் இருந்ததாகவும் கூறப்பட்டது. கேவி ஆனந்த் மறைவிற்கு ஒட்டுமொத்த திரையுலகமே இரங்கல் தெரிவித்தது என்பது குறிப்பிடத்தக்கது.
இந்த நிலையில் கேவி ஆனந்த் மகளுக்கு திருமணம் நிச்சயம் ஆகி உள்ளதை அடுத்து சூர்யா தனது தந்தை சிவகுமாருடன் கேவி ஆனந்த் வீட்டிற்கு சென்று அவரது மகளுக்கு வாழ்த்து தெரிவித்துள்ளனர். மகாத்மா காந்தி ஓவியத்தை சிவக்குமார் கேவி ஆனந்த் மகளுக்கு தனது திருமண பரிசாக கொடுத்தார்.
மேலும் கே.வி ஆனந்த் முழு குடும்பத்தினர்களுடன் சூர்யா மற்றும் சிவகுமார் புகைப்படம் எடுத்துக்கொண்டனர். நெகிழ்ச்சியான இந்த சந்திப்பு குறித்த புகைப்படங்கள் இணையத்தில் வைரல் ஆகி வருகிறது.