'ரெமோ' பிசினஸ் ஆரம்பம். முதல்போனி கோவையில்!!!
- IndiaGlitz, [Friday,August 05 2016]
சிவகார்த்திகேயன், கீர்த்திசுரேஷ் நடிப்பில் உருவாகியுள்ள 'ரெமோ' படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரடொக்ஷன்ஸ் பணிகள் விறுவிறுப்புடன் நடந்து வரும் நிலையில் இந்த படத்தின் வியாபாரம் கடந்த 2ஆம் தேதி முதல் தொடங்கும் என 24ஏம் ஸ்டுடியோஸ் நிறுவனம் அதிகாரபூர்வமாக அறிவித்திருந்தது.
இந்நிலையில் முதல்கட்டமாக இந்த படத்தின் கோவை பகுதியின் ரிலீஸ் உரிமையை சீனியர் விநியோகிஸ்தர் திருப்பூர் சுப்பிரமணியம் மிகப்பெரிய தொகை கொடுத்து வியாபாரத்தை தொடங்கி வைத்துள்ளார். கோவையை அடுத்து மற்ற பகுதிகளின் ரிலீஸ் உரிமை குறித்த வியாபாரங்களின் பேச்சுவார்த்தை இறுதிக்கட்டத்தில் இருப்பதாகவும் இன்னும் ஒருசில நாட்களில் இதுகுறித்த விவரங்கள் தெரியவரும் என்றும் கூறப்படுகிறது.
சிவகார்த்திகேயன், கீர்த்திசுரேஷ், சதீஷ், கே.எஸ்.ரவிகுமார் உள்பட பலர் நடித்துள்ள இந்த படத்திற்கு பி.சி.ஸ்ரீராம் ஒளிப்பதிவும், ரூபன் படத்தொகுப்பும் செய்து வருகின்றனர். அனிருத் இசையமைத்துள்ள இந்த படத்தை பாக்யராஜ் கண்ணன் இயக்கியுள்ளார். நர்ஸ் உள்பட பல்வேறு கெட்டப்புகளில் சிவகார்த்திகேயன் தோன்றும் இந்த படம் மிகப்பெரிய எதிர்பார்ப்பை ஏற்படுத்தியுள்ளது.