'ரெமோ' அதிகாரபூர்வ ரிலீஸ் தேதி அறிவிப்பு
- IndiaGlitz, [Wednesday,September 28 2016]
இதுவரை இல்லாத அளவில் பெரும் எதிர்பார்ப்பை ஏற்படுத்தியுள்ள சிவகார்த்திகேயன் நடித்த படமான 'ரெமோ' சமீபத்தில் சென்சார் செய்யப்பட்டு 'யூ' சர்டிபிகேட் பெற்றது என்பதை ஏற்கனவே பார்த்தோம்.
இந்நிலையில் இந்த படத்தின் அதிகாரபூர்வ ரிலீஸ் தேதி அக்டோபர் 7 என தயாரிப்பு நிறுவனத்தால் அறிவிக்கப்பட்டுள்ளது. மேலும் சற்று முன்னர் இந்த படத்தின் ரிலீஸ் தேதியுடன் கூடிய போஸ்டர் இந்த படத்தை தயாரித்த 24ஏம் ஸ்டுடியோஸ் நிறுவனத்தின் சமூக இணையதளத்தில் வெளிவந்துள்ளது.
எனவே உலகம் முழுவதும் 'ரெமோ' அக்டோபர் 7ல் வெளியாவது உறுதி செய்யப்பட்டுள்ளதால் சிவகார்த்திகேயன் ரசிகர்கள் உற்சாகமாகியுள்ளனர்.
நர்ஸ் உள்பட பல்வேறு கெட்டப்புகளில் சிவகார்த்திகேயன் நடித்துள்ள இந்த படத்தில் ரஜினிமுருகன்' படத்திற்கு பின்னர் மீண்டும் கீர்த்திசுரேஷ் ஜோடி சேர்ந்துள்ளார். பாக்யராஜ் கண்ணன் இயகக்த்தில் அனிருத் இசையில் பி.சி.ஸ்ரீராமின் ஒளிப்பதிவில் உருவாகியுள்ள இந்த படத்தை 24ஏம் ஸ்டுடியோஸ் நிறுவனம் தயாரித்துள்ளது.