'ரெமோ' படத்தின் அதிகாரபூர்வ ஃபர்ஸ்ட்லுக் ரிலீஸ் தேதி
- IndiaGlitz, [Tuesday,May 31 2016]
சிவகார்த்திகேயன் நடித்து வரும் 'ரெமோ' படத்தின் இறுதிக்கட்ட படப்பிடிப்பு விறுவிறுப்பாக நடைபெற்று வருகிறது. அதே நேரத்தில் இந்த படத்தின் போஸ்ட் புரடொக்ஷன்ஸ் பணிகளும் இன்னொரு பக்கம் நடைபெற்று வருவதாக கூறப்படுகிறது.
மேலும் இந்த படத்தின் ஃபர்ஸ்ட்லுக் போஸ்டர் வரும் ஜூன் 9ஆம் தேதி வெளிவரும் என எதிர்பார்க்கப்பட்டது. ஆனால் அதே தேதியில் சூப்பர் ஸ்டார் ரஜினியின் 'கபாலி' படத்தின் ஆடியோ ரிலீஸ் ஆகும் என எதிர்பார்க்கப்பட்டதால் தற்போது 'ரெமோ' படக்குழுவினர் ஃபர்ஸ்ட்லுக் ரிலீஸ் தேதியை மாற்றியுள்ளதாக செய்திகள் வந்துள்ளது.
இந்த படத்தின் ஃபர்ஸ்ட்லுக் வரும் ஜூன் 23ஆம் தேதி வெளிவரும் என உறுதி செய்யப்பட்டுள்ளது. இந்த தகவலை இந்த படத்தின் தயாரிப்பு நிறுவனமான 24AM Studios தனது சமூக வலைத்தளத்தில் பதிவு செய்துள்ளது. மேலும் இதே தேதியில் இந்த படத்தின் தீம் மியூசிக்கும் வெளியாகவுள்ளது என்பது குறிப்பிடத்தக்கது.
சிவகார்த்திகேயன், கீர்த்தி சுரேஷ் உள்ளிட்ட பலர் நடித்து வரும் இந்த படத்தை பாக்யராஜ் கண்ணன் இயக்கி வருகிறார். இந்த படத்திற்கு பி.சி.ஸ்ரீராம் ஒளிப்பதிவும், அனிருத் இசையமைத்தும் வருகிறார்கள் என்பது குறிப்பிடத்தக்கது.