ஜூன் 9-ல் ரெமோ ஃபர்ஸ்ட்லுக்குடன் கூடுதல் போனஸ். அனிருத்
- IndiaGlitz, [Monday,May 23 2016]
பெண் வேடம் உள்பட மூன்று வித்தியாசமான வேடங்களில் சிவகார்த்திகேயன் நடித்து வரும் 'ரெமோ' படத்தின் ஃபர்ஸ்ட்லுக் வரும் ஜூன் 9ஆம் தேதி வெளிவரவுள்ளதாக ஏற்கனவே அறிவிக்கப்பட்டிருந்தது. இந்நிலையில் இந்த ஃபர்ஸ்ட்லுக்குடன் ஒரு கூடுதல் போனசும் வெளியிட உள்ளதாக செய்திகள் வெளிவந்துள்ளது.
'ரெமோ' படத்தின் டைட்டில் பாடலும் அதே ஜூன் 9ஆம் தேதி வெளியிட படக்குழுவினர் திட்டமிட்டுள்ளனர். இந்த தகவலை அனிருத் தனது சமூக வலைத்தளத்தில் உறுதி செய்துள்ளார். இந்த டைட்டில் பாடல் இயக்குனர் விக்னேஷ் சிவன் எழுதியது என்பது குறிப்பிடத்தக்கது. மேலும் இந்த படத்தின் டப்பிங் பணிகள் ஜூன் 15 முதல் தொடங்கும் என்று கூறப்படுகிறது.
24 ஏஎம் ஸ்டுடியோஸ் ஆர்.டி.ராஜா தயாரித்து வரும் இந்த படத்தில் சிவகார்த்திகேயன், கீர்த்திசுரேஷ், சதீஷ், கே.எஸ்.ரவிகுமார் உள்பட பலர் நடித்து வரும் இந்த படத்திற்கு பி.சி.ஸ்ரீராம் ஒளிப்பதிவும், ரூபன் படத்தொகுப்பும் செய்து வருகின்றனர். பாக்யராஜ் கண்ணன் இயக்கி வரும் இந்த படம் பெரும் எதிர்பார்ப்பை ஏற்படுத்தியுள்ளது என்பது குறிப்பிடத்தக்கது.