நடிகர் சிவகார்த்திகேயன் குறுகிய காலத்தில் கோலிவுட் திரையுலகின் முன்னணி நடிகர்கள் பட்டியலில் இணைந்தாலும், தான் கஷ்டப்பட்டபோது உடனிருந்த நண்பர்களை மறக்காமல் அவர்களுக்கும் தன்னால் முடிந்த உதவிகளை செய்து வருகிறார்.

அந்த வகையில் பாடகர், பாடலாசிரியர் அருண்காமராஜ், சிவகார்த்திகேயனின் நீண்ட நாள் நண்பர் என்பது அனைவரும் அறிந்ததே. இந்த நிலையில் தனது நண்பர் அருண்காமராஜ் அவர்களுக்காக சிவகார்த்திகேயன் தயாரிப்பாளராக மாறியுள்ளார்.

ஆம், சிவகார்த்திகேயன் புரடொக்சன்ஸ் நிறுவனம் தயாரிக்கும் புதிய படத்தை அருண்காமராஜ் இயக்க்கவுள்ளார். இந்த படத்தின் முக்கிய வேடத்தில் சத்யராஜ் மற்றும் ஐஸ்வர்யா ராஜேஷ் நடிக்கவுள்ளனர். இந்த படத்தின் படப்பிடிப்பு இன்று லால்குடியில் தொடங்கியுள்ளது. இந்த படம் குறித்த முழு விபரங்கள் இன்னும் சிலமணி நேரங்களில் வெளியாகும் என்று எதிர்பார்க்கப்படுகிறது.