சிவகார்த்திகேயனுடன் இணையும் ஹாட்ரிக் வெற்றி கூட்டணி
- IndiaGlitz, [Tuesday,August 16 2016]
சிவகார்த்திகேயனின் திரையுலக வாழ்வில் திருப்புமுனையை ஏற்படுத்திய படம் 'வருத்தப்படாத வாலிபர் சங்கம்' என்று கூறினால் அது மிகையாகாது. இந்த படத்தின் வெற்றி சிவகார்த்திகேயனுக்கு மட்டுமின்றி ஸ்ரீதிவ்யா, இயக்குனர் பொன்ராம் ஆகியோர்களுக்கும் ஒரு திருப்புமுனையை ஏற்படுத்தியது. மேலும் இயக்குனர் பொன்ராம்-சிவகார்த்திகேயன் கூட்டணியில் உருவான இரண்டாவது படமான 'ரஜினிமுருகன்' திரைப்படமும் மிகப்பெரிய வெற்றியை பெற்றது. என்பது குறிப்பிடத்தக்கது.\
இந்நிலையில் இதே கூட்டணி மூன்றாவது முறையாக இணையவுள்ளதாகவும், இந்த படம் மிக விரைவில் ஆரம்பிக்கப்படவுள்ளதாகவும் கடந்த சில மாதங்களுக்கு முன்பே நாம் செய்தி வெளியிட்டிருந்தோம். இந்த செய்தி தற்போது அதிகாரபூர்வமாக அறிவிக்கப்பட்டுள்ளது.
இயக்குனர் பொன்ராம் தனது சமூக வலைத்தளத்தில் மீண்டும் சிவகார்த்திகேயனுடன் இணைந்து படம் இயக்கவுள்ளதை உறுதி செய்துள்ளார். மேலும் இந்த படத்தை 24ஏம் ஸ்டுடியோஸ் நிறுவனம் தயாரிக்கவுள்ளதாகவும், வரும் 2017ஆம் ஆண்டு தீபாவளி திருநாளில் இந்த படத்தை திரையிட திட்டமிட்டுள்ளதாகவும் அவர் மேலும் கூறியுள்ளார்.